Американскиот центар за контрола и превенција на болести (ЦДЦ) соопшти дека добил информации за осум случаи на миокардитис кај деца на возраст од 5 до 11 години кои примиле Фајзер вакцина против коронавирус.
Од ЦДЦ претходно изјавија дека стапката на миокардитис меѓу децата на возраст од 16 до 17 години може да биде над 69 случаи на еден милион примени дози и околу 40 случаи на милион дози кај момчиња на возраст од 12 до 15 години, пренесува Ројтерс.
БЛАГ КЛИНИЧКИ ТЕК НА БОЛЕСТА
Тие не откриле дали постои врска помеѓу случаевите на миокрадитис и вакцините. Исто така не е познато колкава е стапката на миокардитис во таа група помеѓу вакцинираните, ниту помеѓу невакцинираните деца.
Центарот објави дека во возрасната група пд 5 до 11 години имало над 7 милиони дози вакцина во времето кога биле прегледувани податоците, со 5.1 милион први дози и 2 милиона втори дози. Случаевите имале благ клинички тек, велат од ЦДЦ.
