„Загрижени сме затоа што случаите на АФМ би можеле да останат непрепознаени среде пандемијата на коронавирус или родителите би можеле да се плашат да ги одведат своите деца во болница ако развијат нешто сериозно како што е слабост на екстремитетите“, вели д-р Роберт Редфилд, директор на CDC
Покрај COVID-19 и сезонскиот грип, Американците треба да очекуваат уште една епидемија на ретка, но парализирачка болест, АКУТЕН ФЛАКЦИДЕН МИЕЛИТИС (АФМ), предупреди Американскиот центар за контрола и превенција на болести (CDC).
АФМ е мистериозна болест за која експертите веруваат дека може да биде активирана од неколку ентеровируси, но првенствено EV-D68 што најчесто предизвикува респираторни инфекции, но повремено доведува до разорна болест кај децата.
Научниците не се сигурни зошто, но избувнувањата на АФМ имаат тенденција да се појавуваат на секои две години, така беше во есента 2014, 2016 и 2018 година. Последното избувнување на болеста во 2018 година, погоди најмалку 238 деца, оставајќи неколку трајно парализирани и многу лица со инвалидитет.
АФМ е невролошка состојба за којашто се верува дека се развива откако вирусот ќе го нападне ‘рбетниот мозок на децата (директно или индиректно), што доведува до слабост на екстремитетите и мускулите, а понекогаш и долготрајна инвалидност или парализа.
И додека родителите се подготвуваат да ги испратат своите деца на училиште во услови на пандемија, CDC алармира да бидат претпазливи за оваа дополнителна закана по здравјето на нивните деца.
АФМ е мистериозна болест за која експертите веруваат дека може да биде активирана од неколку ентеровируси, но првенствено EV-D68 што најчесто предизвикува респираторни инфекции, но повремено доведува до разорна болест кај децата
Иако спорадични извештаи за болеста се јавуваат и во годините надвор од споменатиот период, случаите на АФМ имаат тенденција да се појават првенствено во периодот помеѓу август и ноември, период кога ентеровирусите почнуваат да циркулираат поактивно.
Американските здравствени власти се особено загрижени за повторното избувнување на АФМ во услови на пандемија на коронавирус.
Во просек, децата кои на крајот биле дијагностицирани со АФМ покажале знаци на респираторни инфекции околу шест дена пред да дојдат во болница заради вкочанетост на екстремитетите или слабост. Во изминатите години, родителите веројатно би претпоставиле дека нивното дете има обична настинка сè додека не стане физички слабо и мора да побараат помош во болница.
АФМ е невролошка состојба за којашто се верува дека се развива откако вирусот ќе го нападне ‘рбетниот мозок на децата (директно или индиректно), што доведува до слабост на екстремитетите и мускулите, а понекогаш и долготрајна инвалидност или парализа
Сега, семејствата исто така мора да се спротивстават и на можноста за COVID-19, која се манифестира со слични симптоми на кашлање, треска, замор и останување без здив.
„Загрижени сме затоа што случаите на АФМ би можеле да останат непрепознаени среде пандемијата на коронавирус или родителите би можеле да се плашат да ги одведат своите деца во болница ако развијат нешто сериозно како што е слабост на екстремитетите“, изјави директорот на CDC, д-р Роберт Редфилд.
АФМ може да напредува многу брзо, во прашање се часови или денови, водејќи до трајна парализа и/или опасни по живот компликации на респираторна слабост кај претходно здрави пациенти, така што доцнењето во пружање лекарска помош може да биде сериозно.
АФМ е позната во последнава деценија, а CDC почна да ја следи од 2014 година. (Дејли мејл)
