Имале едно или пет деца, работеле работа со полно работно време или останувале дома за да се грижите за децата, родителството е нешто што никој не треба да го смета за лесна работа. Часовите се бесконечни, работата е неплатена, нема оддели за човечки ресурси и слично.
За жал, една од работите што може да ја искомплицира целата ситуација е потребата на другите луѓе да нудат несакани и често многу погрешни совети.
Стручњаците издвојуваат неколку најчести погрешни совети:
- “Секое дете третирајте го исто“
Иако може да изгледа праведно, третирањето на вашите деца на ист начин ретко е вистинскиот пристап. Според советничката за ментално здравје и специјалист за семејна грижа Адина Махали, подобро е децата да се третираат како индивидуалци и да се грижиме за нив врз основа на тој принцип.
“Да, ова може да значи да поминувате многу време со едното дете додека на другото му давате повеќе простор. Не плашете се да гледате на секое дете во неговата посебност и да му го дадете она што навистина му треба“, предлага Махали.
- “На децата дадете им десерт само ако до крај ја изеле вечерата“
Секако, не сакате вашето дете да живее со сладолед, но ако му кажете дека мора да го изеде целиот оброк за да добие десерт, тоа може со тек на време да го доведе до развој на нездрави прехранбени навики. Иако работа на родителите е да одлучат што е за јадење, детето треба да одлучи дали ќе јаде и колку, според зборовите на психотерапевтот Џен О’Рурк.
“Тоа значи дека доколку сте решиле да му послужите десерт, понудете го, без разлика дали децата изеле вечера во мера што вие ја сметате за доволна. Десертот не треба да биде награда, тоа треба да биде само повремен дел од вечерата“, смета таа.
- “Ако вашето дете има напади на бес, едноставно игнорирајте го“
Децата не се вешти во емоционалната регулација, па оттука и плачење, врескање и други манифестации на изливи на гнев, кои најчесто се јавуваат кога се уморни, гладни или вознемирени. Меѓутоа, не станува збор за намерна манипулација.
“Дете кое проживува тантруми, страда и не ги контролира своите чувства и постапки“, вели О’Рурк. Таа напоменува дека родителите не треба само да го игнорираат детето кое сè уште е во процес на развивање логика и вештини за заклучоци.
- “Преголемото искажување наклонетост и љубов може да го размазат детето“
Сакате да го држите, гушкате, да го милувате вашето дете, да му зборувате по цел ден? Направете го тоа, бидејќи тврдењето дека тоа може да го размази е неосновано, смета д-р. Саманта Редфорд.
“Бебињата се биолошки дизајнирани да се држат и носат“, вели таа.
- “Удри го детето да го научиш на почитување“
Постојат многу начини на кои можете да ги научите детето на почитување, а ударите не се дел од нив. Според студија од 2017 година објавена во списанието Psychological Science, децата кои се тепани на возраст од 5 години, покажале поголеми проблеми во однесувањето во следните години и три години подоцна од децата кои не доживувале физичко казнување.
