Податоците собрани од апликацијата ZOE Health Study покажуваат дека луѓето кои се заразуваат со Ковид по вакцинацијата имаат пролив или дијареа почесто од другите. Според податоците собрани на почетокот на оваа година, тоа е еден од најпријавените симптоми поврзани со омикрон варијанта на коронавирусот.
ДИЈАРЕАТА ПРЕДИЗВИКАНА ОД КОВИД ТРАЕ 2-3 ДЕНА
Студијата сугерира дека дијареата може да биде ран симптом на инфекција и обично трае 2-3 дена. Кај некои поединци може да трае и до 7 дена.
Добрата вест е што студијата покажала дека преовладувањето на овој симптом се намалува со секоја варијанта на коронавирусот. Само едно од пет лица го искусиле овој симптом за време бранот со омикрон варијантата, тврди студијата.
Кои други симптоми на ковид се поврзани со дигестивниот систем?
Според студијата, губењето на апетитот е исто така еден од симптомите на инфекција со корона. Губењето на апетитот е ран знак за заболување од Ковид, но обично се враќа по неколку дена, истакнуваат истражувачите.
“На самиот почеток на пандемијата, губење на апетит беше забележано кај приближно три од десет возрасни лица заразени со корона, а кај оние над 65 години ова се зголемува на приближно четири од десет луѓе. Тој број благо опаѓа со доаѓањето на новите варијанти и вакцинацијата, на само една четвртина од луѓето (25-27%) од оние кои го изгубиле апетитот, кои се инфицирале со варијантите делта и омикрон дури и по третата доза на вакцина“, се наведува во извештајот.
