Резултати од нова студија, објавени на стручниот портал Pediatric and Perinatal Epidemiology покажале дека постои поврзаност помеѓу телесната тежина на мајката пред бременоста, влегувањето во бременост со развојот на одредени алергиски болести и астма кај децата.
Обезноста или прекумерната телесна тежина кај мајката го зголемила ризикот од астма за осум проценти. Додека недоволната телесна тежина била поврзана со зголемен ризик од дерматитис.
Со оглед дека обезноста или дебелината е воспалителна состојба, се смета дека воспалението додека фетусот го развива имуниот систем, доведува до потенцијален абнормален развој на имуниот систем, што подоцна може да се манифестира како алергиска болест.
Инаку, познато е дека алергиите го зголемуваат ризикот од астма. Исто така, инфекцијата со респираторниот синцициски вирус (РСВ) може да го зголеми ризикот од астма.
