Проф. д-р Владислав Вукомановиќ од Институтот за мајка и дете во Белград вели дека децата со докажана инфекција на SARS-CoV-2 вирусот, главно имаат блага клиничка форма на болеста, освен во ретки случаи.
Но, тој нагласува дека појавата на зголемена телесна температура кај децата, не треба да биде аларм кај родителите дека децата се инфицирани со новиот коронавирус.
“Според симптомите кои најчесто се среќаваат кај возрасните, како што се висока телесна температура, отежнато дишење, кашлица, децата може да имаат гастроинтестинални проблеми, како што се повраќање и пролив. Многу е важна епидемиолошката анамнеза, а тоа значи дали во непосредна околина на детето имало заболени од КОВИД-19, и дали децата можеле да бидат непосредно изложени на оваа инфективна болест. Секако дека детето треба да го прегледа педијатар, но не е потребно да се носи на преглед при секој и краткотраен скок на телесната температура, која не е придружена со пореметување на општата состојба на детето, губење на апетит или пореметување во расположението и кога детето нема зголемена телесна температура“, вели проф. д-р Вукомановиќ.
Иако уште при првиот пик на пандемијата со новиот коронавирус, стигаа информации дека вирусот предизвикува Кавасаки синдром кај најмладите, професрот вели дека се уште со сигурност не може да се тврди дела постои врска помеѓу овие две болести.
