Ако сте пораснале чувствувајќи се несакано, контролирано или не се почитувале вашите граници, тогаш можеби сте пораснале со токсична мајка, објаснуваат психолозите. Децата кои имале токсична мајка во детството подоцна во животот може да се борат со анксиозност, депресија, нездрави вештини за соочување и проблеми во односите со другите луѓе.
Една од најчестите работи што ги прават повеќето токсични мајки е претераната реакција на разликите во мислењата. Имено, психолозите објаснуваат дека разликите во мислењата се неизбежни кога се работи за односот помеѓу мајката и детето. Во одреден момент, мајките сигурно нема да се согласат со своите деца и обратно.
Сепак, на некои мајки можеби им недостасува способност да го контролираат својот бес и да ги решаваат конфликтите со своите деца на здрав начин. Затоа, токсичните мајки можат да го изразат својот бес на негативни начини, како што се навредите или викањето. Во екстремни случаи, често доаѓа и до физичко казнување.
Покрај пребурните реакции на проблемите и несогласувањата со детето, многу токсични мајки користат манипулација за да го добијат она што го сакаат
Покрај пребурните реакции на проблемите и несогласувањата со детето, многу токсични мајки користат манипулација за да го добијат она што го сакаат. Манипулативната личност се обидува да ги промени мислите, чувствата или однесувањето на другото лице за своја корист, често на многу прикриени начини што детето тешко може да ги забележи кога е мало. Дури подоцна, кога ќе порасне, му станува јасно дека неговата мајка е всушност манипулатор.
На пример, токсична мајка која е склона кон манипулации може да му понуди да му направи услуга на детето затоа што има поголемо барање кое и треба од него. Доколку детето го одбие нејзиното барање, токсичната мајка би можела емотивно да го уценува, што на крајот резултира со негово попуштање за да избегне понатамошни расправии или проблеми, објаснуваат психолозите.
