Потребно:
- 4 парчиња пилешки батак со карабатак
- 300 г ориз со долго зрно
- 1 главица кромид
- 1 морков
- 100 г грашок
- 100 г пченка
- 2 чешниња лук
- 700 мл пилешки бујон
- 3 лажици масло
- 1 лажичка мелен црвен пипер
- 1 лажичка кари
- сол и бибер по вкус
Подготовка: Измијте го оризот и оставете го да се исцеди. Зачинете го пилешкото со сол, бибер, мелен црвен пипер и кари зачин. Загрејте масло во поголема тава или огноотпорен сад и запечете го пилешкото од двете страни додека не добие златно-кафеава боја. Извадете го месото настрана, а во истата маснотија запржете ситно сечкан кромид, морков и лук. Додадете го оризот и кратко промешајте за да ги впие аромите од зеленчукот и зачините. Потоа додадете грашок и пченка, па прелијте со топол бујон. Вратете го пилешкото врз оризот и поклопете. Печете околу 40 минути на 180°C, додека оризот не омекне и течноста речиси целосно не се впие. Посипете со сечкан магдонос и послужете топло. Добар апетит!
