Високите летни температури носат многу проблеми кога станува збор за бебињата и малите деца. Експертите истакнуваат дека е клучно да се држат во сенка, но и правилно да се облекуваат за спиење. Но, и покрај тоа, многу родители се грижат за опасноста од дехидрирање.
Бебињата и доенчињата се особено изложени на ризик од дехидратација, бидејќи имаат мала телесна тежина и се чувствителни дури и на мала количина изгубена течност.
Ако не се лекува, дехидрацијата може да биде доста сериозна. Во случај да се сомневате на потешка дехидрираност и не успевате да ја поправите состојбата со електролити, а детето има вртоглавица, главоболка или губи свест, веднаш посетете педијатар
Каква течност им треба на бебињата?
Според British Nutrition Foundation, децата кои исклучиво се дојат немаат потреба од вода додека не почнат да јадат цврста храна, што е отприлика до шестиот месец од животот. „Бебињата помлади од шест месеци, доколку се исклучиво доени, немаат потреба од вода. Нивните потреби за течност ќе бидат задоволени со мајчиното млеко.
Можеби ќе цицаат повеќе од вообичаено за време на топлото време“, вели медицинската сестра Кети Кру за „Manchester Evening News“. Бебињата кои се хранат со адаптирано млеко можеби ќе имаат потреба од вода за време на топлиот период, но препорачливо е за тоа родителите да се консултираат со педијатар.
Каква вода можат да пијат? Ако им давате вода на бебиња помлади од шест месеци, тогаш тоа би требало да биде оладена зовриена вода од чешма.
Знаци на дехидратација кај бебињата
Дехидратација се јавува кога телото губи повеќе течност отколку што внесува. Знаци на дехидратација кај бебе се:
- Втисната/мека фонтанела на главата, односно големата фонтанела е вовлечена под нивото на околното коскено ткиво;
- Јазикот е сув, при силна дехидрираност е и обложен со белузлави наслаги, се лепи за непцето;
- Вкупната количина на урина е намалена, помалку влажни пелени од вообичаено;
- Урината е концентрирана и има интензивна боја;
- Имаат малку или воопшто немаат солзи кога плачат;
- Пулсот е послаб;
- Поспани се.
Што да направите ако вашето бебе е дехидрирано?
Дехидрирано дете не смее одеднаш да испие голема количина на вода. Наместо тоа, треба да им се даде разреден раствор за рехидратација. Можеби ќе ви треба лажичка или шприц за внесување на течноста.
Ако не се лекува, дехидрацијата може да биде доста сериозна. Во случај да се сомневате на потешка дехидрираност и не успевате да ја поправите состојбата со електролити, а детето има вртоглавица, главоболка или губи свест, веднаш посетете педијатар.
