Гестот на бакнување на деца во уста е ризична навика и нехигиенска постапка. Кога се зборува за здравствениот аспект, тоа претставува непотребно изложување на децата на ризик, бидејќи и здравите луѓе може да бидат носители на бактерии, па така лесно може да дојде до пренесување на мононуклеоза – болест на бакнеж. Освен тоа, детето на тој начин се изложува на бактериски компликации кои може да предизвикаат опструктивен бронхитис, воспаление на увото и на тој начин кај децата се создава и хроницитет, што е многу лошо. Уште поризично од бакнувањето на децата во уста е бакнување на рацете.
Најбезбедно е детето да се бакнува во главата, велат педијатрите.
Според психотерапевтите, без оглед на полот, оваа постапка детето може да ја доживее како заведување, иако родителите немаат таква намера. Бакнежот во уста е знак за прифаќање.
Луѓето имаат вродено чувство за гадење од телесните течности на другите луѓе кое всушост, има биолошко и физичко оправдување, бидејќи така се пренесуваат многу вируси и бактерии. Тоа е главниот аргумент зошто децата не е добро да ги бакнувате во уста.
Децата се асексуални и не треба со нив да се прави она што го прават возрасните, бидејќи тие често ги имитираат своите родители, па може да се случи да се бакнуваат и со други луѓе, а тоа може да има бројни негативни последици, нагласуваат стручњаците.
Педијатрите сметаат дека устата е една од највалканите шуплини, бидејќи тука секогаш останува храна. Повеќето луѓе боледуваат од хронични заболувања во устата, носат бактерии кои се пренесуваат преку бакнежите. Од естетски причини, чинот на бакнување на детето е многу грда навика. Се бакнува некој што ви е многу близок, на исти или слични години и оние кои имаат партнерски или сексуални нагони. Освен тоа, децата не сакаат таков вид на блискост со постари лица. Припоменете си дека и вие кога сте биле мали, па кога некој постар би ве бакнал само во образ, сте го бришеле лицето со ракавот.
