Кога телесната температура е до 38° C степени, не се смета за висока, па децата со температура од 37,5 – 38° C се нарекуваат субфебрилни. Кога детето има над 38° C степени, се работи за „вистински“ покачена температура (фебрилни деца), а кога е над 39° C (некои велат над 39,5° C), можеме да кажеме дека се работи за многу висока температура. Температурите над 40° C ги доведува мајките и татковците на работ на очај, но навистина бара брза акција, бидејќи без оглед на причината, таа мора неодложно да се симнува
Просечната телесна температура изнесува околу 37° C. Кога температурата на вашето тело се зголемува над нормалната, тоа може да биде знак дека вашето тело се бори против инфекција.
Се смета дека децата и возрасните имаат треска ако температурата е поголема од 38° C. Бебињата помлади од една година имаат треска ако температурата е поголема од 37,2° C ако се мери под пазувите и 38° C ако се мери ректално.
Општите симптоми поврзани со треска вклучуваат главоболка, болки, потење, недостаток на апетит, дехидрираност, слабост или недостаток на енергија и тресење.
Луѓето со висока температура треба да побараат лекарска помош. Возрасните треба да побараат помош ако температурата е поголема од 39,4° C, а кај деца 38,9° C. Во случај на бебе помладо од три месеци, треба да се побара медицинска помош ако температурата е поголема од 38° C.
Како се третира треската?
Возрасните ја третираат високата температура со некои лекови кои се продаваат без рецепт, а тука спаѓаат ибупрофен и ацетаминофен. Овие лекови можат да ја намалат температурата и да ја ублажат болката.
Не треба да земате антибиотици без да се консултирате со вашиот лекар. Антибиотиците можат да помогнат во борбата против бактериски инфекции, а соодветните лекови може да ги препише вашиот лекар.
Кога имате висока температура треба да пиете многу течности бидејќи треската може да предизвика дехидратација. Задолжително пијте многу вода, сок и други течности и јадете супа.
Додека се борите со треска, обидете се да се одморате. Избегнувајте напорни активности кои можат да ја зголемат вашата телесна температура, пишува „Healthline“.
