Непроспиените ноќи најчесто се поврзуваат со штотуку роденото бебе, не и со бременоста, но всушност, доколку не сте внимателни, и за време на бременоста може да завршите со подочници и ненаспаност, што може да го загрози здравјето и да влијае и на плодот.
Дури и претходно да не сте имале проблеми со спиењето, статистиките покажуваат дека околу 89% од трудниците страдаат од недостаток на сон за време на бременоста.
Ова се неколку едноставни трикови за квалитетн и добар сон за време на бременоста.
- Не вечерајте доцна
Доцната вечера може да ви создаде жиговина, лошо варење, рефлукс на киселини. Затоа внимавајте да не вечерате, најмалку 2-3 часа пред легнување.
- Избегнувајте дремки во текот на денот
Додека сте бремена, особено во првите месеци, хормоните ќе завладеат со телото и често ќе се фатите себе дека сте уморни или исцрпени, дури и во текот на денот. Но, за да обезбедите добар ноќен сон, подобро е да не спиете во текот на денот, туку само да одморите, без спиење.
- Спијте на страна
Спиењето на страна е најдобар избор, бидејќи таа положба го редуцира притисок на матката и може да го подобри квалитетот на дишење и да ја намали болката и непријатноста во грбот.
- Без електрични уреди
Ако планирате да си легнете воодредено време, најмалку 40 минути пред заспивање, исклучете ги сите електрични уреди.
