За време на бременоста, идните мајки се загрижени за различни прашања поврзани за сопственото здравје кои истовремено можат да влијаат на здравјето на нивните бебиња, а едно од често поставуваните прашања е дали може удар или повреда на стомакот да му наштети на детето.
Многу фактори во текот на бременоста го прават стомакот на жената подложен на удари и џумки, како лабави лигаменти и зглобови, се поголемиот обем и чувството на блага расеаност. Меѓутоа, стручњаците сметаат дека нема потреба за загриженост секој пат кога ќе се удрите во стомак, дури ни пад нанапред или удар веројатно нема да му наштетат на вашето бебе.
Природно, фетусот е во безбедна и заштитена околина, кое лебди во амнионската течност во амнионската вреќичка, која ја штитат мускулите на матката и стомакот, појаснува д-р Овен Монтгомери од Универзитетот за здравствени науки Алегени. ‘Рбетот одзади и градниот кош однапред, исто така прават коскена бариера.
Помош од лекар треба да побарате доколку почувствувате дека вашето бебе не е активно како претходно (движење околу пет пати во период од два часа додека лежите е нормално ако сте во второ или трето тромесечје) или ако крварите, почувствувате контракции или грчеви во период од 12 часа од инцидентот.
Лесен притисок на стомакот додека расте е во ред, но силни удари како удар со нога, можат да бидат опасни, особено ако се ближите кон крајот на бременоста.
Траума на матката во било каква форма (силен удар, пад директно на стомак, сообраќајна несреќа) може да предизвика нешто кое се нарекува одвојување на постелката.
Ова е состојба во која постелката се одделува од ѕидовите на матката. Во поблаги случаи, може да дојде до вагинално крварење и / или контракции без последици за бебето. Но, во потежок случај, голем дел од постелката се одделува и може да предизвика проблеми за бебето.
Преземете дополнителни мерки на претпазливост за да бидете сигурни дека нема да се лизнете. Внимавајте на мраз, снег и влажни лисја и свежо избришани подови. Препорачливо е да носите рамни чевли и да бидете внимателни при влегување и излегување од када или туш и користите ограда на скали.
