НЕДОСТАТОК НА ВОЗДУХ ВО БРЕМЕНОСТА: Што кога стомакот прави притисок

Зголеменото производство на прогестерон, кој го забрзува дишењето, како и матката која ја притиска дијафрагмата и белите дробови, повремено предизвикуваат недостаток на воздух кај бремената жена.

Две третини од сите бремени жени, повремено чувствуваат недостаток на воздух/отежнато дишење. Ова го предизвикува зголеменото лачење на хормонот – прогестерон, кој го забрзува дишењето во последните три месеци, како и матката која притиска на дијафрагмата и на белите дробови. Дишењето кај бремената жена се нормализира кога детето ќе се спушти во карлицата во последните недели.

ШТО ДА НАПРАВИТЕ?

  • Опуштете се и обидете се да избегнувате стрес. Не паничете ако останете без воздух, тоа може само да ја влоши оваа тегоба.
  • Немој да бидете подгрбавени. Стоењето нека ви биде исправено и обезбедете доволно простор за ширење на вашиот граден кош.
  • Ако почнете да кашлате, да чувствувате болка во градите или ви посинат прстите или устата, проверете ја појавата кај лекар што е можно побрзо.