Ако и вашето бебе го цица прстот, веројатно се прашувате дали оваа навика ќе го следи се до училиште и како тоа ќе влијае на неговиот загриз и говор. Повеќето бебиња кои го цицаат палецот не користат цуцла, а иако постојат ситуации кога треба да реагирате, станува збор за безопасна навика која има своја функција.
Цицањето го смирува бебето
Сосема е вообичаено бебињата да го цицаат палецот бидејќи цицањето е нивен примарен рефлекс кој им овозможува да се хранат, што всушност е многу добро што бебето знае да цица веднаш по раѓањето.
Освен што овозможува хранење, цицањето го смирува бебето. Понекогаш бебето ќе продолжи да си го цица прстот по хранењето, но не затоа што е се уште гладно, туку за да се утеши. Уште една причина зошто бебињата го цицаат палецот е тоа што секогаш им е достапен.
Еднаш штом го открие дека му се допаѓа чувството на утеха што палецот му го нуди и ќе сфати дека е потребно само мало движење на раката за да го добие она што го сака, бебето веројатно ќе продолжи да цица.
Цицањето може да потрае
Исто така, постојат одредени придобивки од цицањето на палецот. Бидејќи е постојано достапен за бебето, му овозможува да се самоуспокои кога не се чувствува добро. Цицањето палец може да трае неколку години, може да се повлече, па повторно да се врати во предизвикувачки периоди. Експертите препорачуваат децата да се одвикнат од цицање палец до тригодишна возраст и секако пред да почнат да им растат трајните заби.
Повеќето деца ќе престанат да го цицаат палецот кога ќе одлучат да го сторат тоа, а најчесто кога ќе почувствуваат дека нивните врсници ги сметаат за бебиња поради тоа. Можете да го олесните процесот на одвикнување од цицање палец на вашето дете со преоден предмет, нешто за утеха, ќебе или плишано животно, кога ќе забележите дека го става прстот во устата.
