Британскиот секретар за здравство Мет Хенкок изјави дека вакцината нема да биде задолжителна за децата и дека нејзиното примање ќе биде доброволно
Велика Британија ќе започне со вакцинација против коронавирус следната недела, а советниците направија список на приоритетни групи – вклучувајќи и упатства за родители.
Постарите лица, ранливите категории и здравствените и социјалните работници од првата борбена линија ќе бидат меѓу првите што ќе ја добијат вакцината.
Откако Велика Британија стана првата земја што одобри вакцина за итна употреба, родителите се прашуваат дали треба да ги вакцинираат своите деца и дали вакцината ќе биде задолжителна за децата.
Приоритетната листа не вклучува деца под 16 години, а вакцината треба да им се понуди само на деца кои се „со многу висок ризик на изложеност и сериозни исходи“, според официјалното упатство.
Британскиот секретарот за здравство Мет Хенкок изјави дека вакцината нема да биде задолжителна за децата и дека нејзиното примање ќе биде доброволно.
Се спроведуваат понатамошни истражувања за да се разбере безбедноста на вакцините против Covid-19 за време на бременоста и кај децата
Joint Committee on Vaccination and Immunisation (JCVI) ги ажурираше своите совети за приоритетните групи за вакцинација откако Велика Британија ја одобри вакцината на „Фајзер“ за итна употреба во средата. Студиите покажаа дека вакцината на „Фајзер“ е 95% ефикасна и делува кај сите возрасни групи.
Кој е советот за децата?
JCVI истакнува дела на повеќето деца не треба да им се понуди вакцината во исто време. „Скоро сите деца (ќе) имаат асимптоматска инфекција или лесна болест. Постојат многу ограничени податоци за вакцинација кај адолесценти, без податоци за вакцинација кај помлади деца, во овој момент.“
Комитетот советува да им се понуди вакцинирање само на оние деца со многу висок ризик на изложеност и сериозни исходи, како што се постари деца со тешка невро-попреченост за кои е потребна резиденцијална нега.
Бремените жени или жените кои планираат бременост не треба да примаат вакцина против коронавирус, бидејќи потенцијалните ризици сè уште не се познати, се вели во новото упатство
„Клиничарите треба да разговараат за ризиците и придобивките од вакцинацијата со лице кое има родителска одговорност, на кое треба да му се каже за оскудноста на податоците за вакцината кај деца под 16 години.
„Повеќе детали за вакцинацијата кај деца се утврдени во Зелената книга – Имунизација против заразни болести“ (Green Book – Immunisation Against Infectious Disease).
Од JCVI истакнуваат дека се спроведуваат понатамошни истражувања за да се разбере безбедноста на вакцините против Covid-19 за време на бременоста и кај децата.
„Кога ќе завршат испитувањата кај децата и бремените жени, ќе добиеме повеќе податоци за безбедноста и ефективноста на вакцините кај овие лица“.
Дали бремените жени треба да се вакцинираат?
Бремените жени или жените кои планираат бременост не треба да примаат вакцина против коронавирус, бидејќи потенцијалните ризици сè уште не се познати, се вели во новото упатство.
JCVI препорача бремените жени да не се јавуваат за вакцинирање. „Сè уште нема податоци за безбедноста на вакцините Covid-19 во бременоста, ниту од студии врз луѓе или животни.“
„Со оглед на недостатокот на докази, JCVI се залага за пристап на претпазливост и во моментов не советува вакцинирање против Ковид-19 во бременоста. Жените треба да бидат советувани да не се јавуваат за вакцинација доколку се бремени или планираат бременост во рок од три месеци од првата доза.“
Понатаму се додава: „Се очекуваат податоци што ќе информираат за вакцинацијата во бременоста. JCVI ќе ги разгледа веднаш штом ќе станат достапни“.
Велика Британија порача 40 милиони дози од вакцината на „Фајзер“, доволни за вакцинирање на 20 милиони луѓе – или околу една третина од населението со две дози, дадени на 21 ден разлика. (Дејли мирор)
