„Денеска е празник на хуманоста“, со овие зборови тимот професионалци од Одделот за планирање, организација и реализација на крводарителството при ИТМ (Институт за трансфузиона медицина) на својата ФБ страница (Blood Bank TENK) ја објави веста за денешната успешно реализирана крводарителска акција во организација на Катедрата за педијатрија при Медицинскиот факултет, предводена од нејзиниот прв човек проф. д-р Соња Бојаџиева, а во соработка со Универзитетската клиника за детски болести.
„Вистинска промоција на крводарителството. Се надеваме дека и другите катедри ќе го следат овој пoзитивен пример. Голема благодарност до проф. д-р Соња Бојаџиева која одличната идеја со голема професионалност и посветеност успешно ја реализираше оваа крводарителска акција. Посакуваме оваа акција да стане традиционална“, велат од Одделот за планирање, организација и реализација на крводарителството при ИТМ (Институт за трансфузиона медицина) TENK
Водени од потребата за помагање и хуманост, докторите и воопшто здравствените работници покажаа високо ниво на свесност, одзивајќи се на повикот за солидарност и дарувајќи дел од скапоцената течност која спасува животи. На крводарителската акција којашто се одржа во просториите на Катедрата за педијатрија присуствуваше и деканот на Медицинскиот факултет проф. д-р Соња Топузовска, како и повеќе шефови на катедри.
„Вистинска промоција на крводарителството. Се надеваме дека и другите катедри ќе го следат овој пoзитивен пример. Голема благодарност до проф. д-р Соња Бојаџиева која одличната идеја со голема професионалност и посветеност успешно ја реализираше оваа крводарителска акција. Посакуваме оваа акција да стане традиционална“, велат од Одделот за планирање, организација и реализација на крводарителството при ИТМ (Институт за трансфузиона медицина) TENK.
„Како лекари педијатри секојдневно се соочуваме со тешки случаи во кои има потреба од крв и крвни деривати, па оттука произлегува и потребата да помогнеме, а истовремено и да испратиме порака за хуманост и подигнување на свесноста за дарувањето крв“, ни изјави претходно проф. д-р Соња Бојаџиева, раководителка на Катедрата за педијатрија.
ФОТО: Blood Bank TENK
