Потребно:
- 150 г купечки пуслици
За кремот
- 250 г маскарпоне
- 200 мл павлака за шлаг
- Малку екстракт од ванила
- Шеќер (по желба, но не премногу, бидејќи пуслиците се слатки сами по себе)
- Овошје по избор (јагоди, банани, киви…)
Подготовка: Со миксер изматете ја слатката павлака, нежно измешајте ја во маскарпонето и додадете малку арома на ванила. Ќе добиете лесен крем готов за три минути. Ставете ред кршени пуслици на дното од чашата и додадете слој крем одозгора. Наредете ред исечено овошје по ваш избор одозгора. Повторувајте го процесот додека не ја наполните чашата и конечно завршете со слој овошје. Добар апетит!
