„Генерално размислуваме за високиот крвен притисок (хипертензија) како за проблем што ги погодува само возрасните. Но, реалноста е дека може да се појави на која било возраст.
Голем дел од децата и адолесцентите со покачен крвен притисок продолжуваат да имаат висок крвен притисок како возрасни
Во некои случаи, лекарите не знаат што точно ja предизвикува хипертензијата. Сепак, постојат фактори кои ја зголемуваат веројатноста за појава кај детето. Тие вклучуваат семејна историја на висок крвен притисок, на пример, или пак, дебелина.
Високиот крвен притисок може да предизвика сериозни здравствени проблеми во иднина, како што се срцеви заболувања. Затоа е важно да го држите под контрола“, објаснува д-р Хуан К. Купферман, специјалист педијатар – нефролог, професор по педијатрија на Медицинскиот колеџ „Алберт Ајнштајн“.
Причините за секундарна хипертензија кај децата варираат со возраста. Во околу 70-75% од овие случаи, причината е проблем или болест со бубрезите. Долг е списокот на други причини, како што се васкуларни абнормалности во аортната артерија (аорта) или во артериите кои носат крв до бубрезите, болести на тироидната жлезда или надбубрежните жлезди, употребата на одредени лекови итн.
ЗОШТО Е ВАЖНО ДА СЕ ПРОВЕРУВА КРВНИОТ ПРИТИСОК КАЈ ДЕЦАТА?
Постојат неколку причини зошто педијатарот на вашето дете рутински го проверува неговиот крвен притисок за време на посетите.
Кај возрасните, хипертензијата може да предизвика оштетување на многу органи, вклучувајќи го срцето, мозокот, бубрезите и очите. Ова може да се случи и кај деца со хипертензија, иако обично ефектите се гледаат подолгорочно. Голем дел од децата и адолесцентите со покачен крвен притисок продолжуваат да имаат висок крвен притисок како возрасни.
Како што се прават повеќе истражувања на млади луѓе, откриени се штетните ефекти на високиот крвен притисок врз срцето, крвните садови, па дури и на учењето.
КОИ СЕ НАЈЧЕСТИТЕ ПРИЧИНИ ЗА ВИСОК КРВЕН ПРИТИСОК КАЈ ДЕЦАТА И АДОЛЕСЦЕНТИТЕ?
Примарната хипертензија, во која нема друга причина освен поврзаноста со дебелината, обезноста (во многу случаи), моментално е почеста во САД отколку секундарната хипертензија. Кај секундарната хипертензија, се наоѓа причината.
Причините за секундарна хипертензија кај децата варираат со возраста. Во околу 70-75% од овие случаи, причината е проблем или болест со бубрезите. Долг е списокот на други причини, како што се васкуларни абнормалности во аортната артерија (аорта) или во артериите кои носат крв до бубрезите, болести на тироидната жлезда или надбубрежните жлезди, употребата на одредени лекови итн.
Високиот крвен притисок кај децата може да се спречи, во многу случаи, со здрав начин на живот. Ова вклучува одржување на здрава тежина, здрава исхрана и ставање приоритет на доволно физичка активност и сон. Со други зборови, контролирањето на едната болест (дебелината) може да помогне да се спречи другата (хипертензија)
КАКО ДА СЕ СПРЕЧИ ВИСОК КРВЕН ПРИТИСОК КАЈ ДЕЦАТА И ТИНЕЈЏЕРИТЕ
Високиот крвен притисок кај децата може да се спречи, во многу случаи, со здрав начин на живот. Ова вклучува одржување на здрава тежина, здрава исхрана и ставање приоритет на доволно физичка активност и сон. Со други зборови, контролирањето на едната болест (дебелината) може да помогне да се спречи другата (хипертензија).
Разговарајте со вашиот педијатар или давател на примарна здравствена заштита ако вашето дете има семејна историја на хипертензија или ако нешто ве загрижува. Вашиот лекар треба да го измери крвниот притисок на вашето дете како дел од вашите редовни здравствени прегледи, потенцира д-р Хуан К. Купферман, специјалист педијатар – нефролог.
