Отстапувањето од основните правила на исхрана може да доведат до гојазност или потхранетост со бројни последици по здравјето, растот и развојот на детето, велат педијатрите.
Разновидноста на исхраната се обезбедува со мешање на различни намирници во еден оброј, во текот на целиот ден, но и нивна правилна обработка. Од вашето знаење, трпение, волја и имагинација зависи како ќе го осмислите ручекот на своето бебе, па така и менито за целиот ден.
Посебно во зима, кога целта е да се задржат што повеќе витамини ви намирниците кои му ги даваме на бебето, овошјето и зеленчукот се даваат или во свежа состојба или кратко термички обработени.
Секако треба да се обрне внимание на тоа да намирниците се варат во минимална количина на вода, и таа вода да се користи во подготовка на кашичката, и на тој начин да се внесат сите витамини и минерали од дадените намирници. Во текот на зимските месеци, изборот на свеж зеленчук и овошје е сведен на минимум и на најдобар начин треба да се искористат оние кои ни се на располагање. Пред се, од овошјето тоа е јаболката, бананата, крушата, а од зеленчукот тиквата, морковот, магдоносот, карфиолот…
- ВИТАМИН А
Овој витамин спаѓа во липосолубилни витамини и за неговата важност говори фактот дека во 1967 година за откривањето на биохемиската улога на овој витамин бо фотохемијата на видот е доделена Нобелова награда. Затоа, тој е неопходен во процесот на гледање, растот и функционирањето на клетките на слузокожата, за репродукција и имун одговор. Најдобар извор на витамин А во бебешката исхрана (спред стручњаците од Медицинскиот факултет во Нови Сад), е морковот, компирот, тиквата, но и зелката и брокулата. Овошјето и зеленчукот со портокалова боја се подобар извор на бета-каротен, отколку лиснатиот зеленчук. Важно е да се нагласи и тоа дека за добра апсорпција на витаминот А и бета-каротенот потребно е присуство на масти во исхраната.
- ВИТАМИНИ ОД Б ГРУПАТА
Витамините од Б групата меѓусебно се разликуваат по хемискиот состав, а го поттикнуваат метаболизмот, го одржуваат здравјето на косата, мускулниот тонус, ја подобруваат работата на имуниот систем, поволно делуваат на нервниот систем, поттикнуваат делба на клетките и настанување на црвени крвни зрнца. Во намирниците кои му се даваат на бебето до една година најмногу ги има во бананата, боранијата, грашокот, живиното месо, жолчката, компирот, млечните производи, гравот, рибата, тиквата и морковот.
- ВИТАМИН Д
Витаминот Д во нашите услови се супституира во текот на првата година, и бебето го добива во доволни количини во периодот на воведување на цврста храна. Важен е за раст на метаболизмот на коските.
- ВИТАМИН К
И овој витамин е важен за здравјето на коските, значаен е за активноста на мозочните клетки, но и за функционирањето на кардиоваскуларниот систем. Најмногу го има во свежиот магдонос, кељот, спанаѓот, но и во варената брокула и во маслиновото масло.
- ВИТАМИН Е
Витаминот Е е најсилниот липосолубилен антиоксидант во ткивата на човекот. Врзано на исхраната на бебето, најмногу го има во маслиното масло.
- ВИТАМИН Ц
Присутни се многу информации за витаминот Ц и неговата важност во секојдневната исхрана, и овде само треба да се нагласи фактот дека подолгото варење (готвење) ја намалува неговата концентрација во намирниците. Затоа, намирниците богати со витамин Ц треба на бебето да му се даваат свежи, како јаболкото, или кратко варени (компир, каша од круши…). Сокот од домати е исто така добар извор на витамин Ц.
- ФОЛНА КИСЕЛИНА
Фолната киселина е неопходна за создавање и одржување на новите клетки, што е значајно во периодот на брз раст и репродукција. Во бебешката исхрана, мешунките се најдобар извор на фолати.
