Идентификувањето на тоа како се поврзани Ковид-19 и невролошките проблеми ќе биде клучно за развивање ефективни превентивни и терапевтски стратегии за решавање на напливот на неврокогнитивни нарушувања што очекуваме да ги видиме во блиска иднина
Според USA Today, истражувачите се загрижени дека прележаните Ковид-19 пациенти може да доживеат долгорочни последици што вклучуваат деменција.
Со голем број луѓе кои се жалат на „мозочна магла“, проблеми со вниманието и конфузија по нивната болест, научниците испитуваат дали Ковид-19 има долгорочни последици за здравјето на мозокот.
Раните испитувања открија поврзаност помеѓу Ковид-19 инфекцијата и промените во мозокот, најчесто забележани кај луѓе кои развиваат деменција.
„Додека некои студии сугерираат дека SARS-CoV-2 директно ги инфицира мозочните клетки, други не најдоа докази за вирусот во мозокот“, вели главниот автор на студијата, д-р Фејсионг Ченг од Cleveland Clinic’s Genomic Medicine Institute.
„Идентификувањето на тоа како се поврзани Ковид-19 и невролошките проблеми ќе биде клучно за развивање ефективни превентивни и терапевтски стратегии за решавање на напливот на неврокогнитивни нарушувања што очекуваме да ги видиме во блиска иднина“.
Додека Ченг и неговиот тим открија малку докази дека Ковид-19 директно го таргетира мозокот, тие откриле блиски врски помеѓу SARS-CoV-2 и гените/протеините поврзани со неколку невролошки заболувања, вклучително и Алцхајмерова болест.
„Откривме дека инфекцијата SARS-CoV-2 значително ги смени маркерите на Алцхајмерова болест вмешани во воспаление на мозокот и дека одредени вирусни влезни фактори се високо изразени во клетките во крвно-мозочната бариера“, објасни Ченг.
„Овие наоди укажуваат дека вирусот може да влијае на неколку гени или патишта вклучени во невроинфламација и мозочна микроваскуларна повреда, што може да доведе до когнитивно оштетување слично на Алцхајмерова болест“. (Healthline)
