Водечкиот американски имунолог д-р Ентони Фаучи предупреди на брзото ширење на варијантата омикрон, наведувајќи дека сите ќе бидат изложени на вирусот, но дека вакцинираните лица ќе поминат подобро.
„Омикрон има извонредна способност за трансмисија и на крајот ќе ги пронајде сите. Оние кои се вакцинирани и кои примиле бустер доза ќе бидат изложени. Некои од нив, можеби и многу од нив, ќе се заразат, но голема е веројатноста, со некои исклучоци, да поминат подобро, односно да не бидат хоспитализирани и да имаат фатален исход“, порача Фаучи.
Фаучи беше запрашан и дали сме влезени во нова фаза на пандемијата. Тој наведува дека тоа ќе се случи кога ќе има доволно ниво на заштита во заедницата и кога ќе има лекови со кои ќе може лесно да се третираат тешките форми на Ковид. „Можеби сега сме на прагот на тоа“, додава Фаучи, пренесува „Си-Ен-Ен“.
