Студија објавена на стручниот портал ЈАМА анализирала податоци од 44.415 пациенти со коронавирус во Кина и открила дека 81 процент од случаите се класифицирале како благи, 14% како тешки и 5% како критични. Според тоа, важно е да се истакне дека во поголем процент од случаевите, лицата не биле животозагрозени.
КОИ СЕ СИМПТОМИ НА КОВИД-19?
Колку повеќе време минува, толку повеќе работи се откриваат за новиот коронавирус. Американскиот центар за контрола и превенција на болести (CDC), на официјалниот список на симптоми за коронавирус ги имаат наведено: покачена температура, кашлица, отежнато диење, замот, течење на нос, мачнина или повраќање, пролив, болка во мускулите, главоболка, болка во грлото и губење на осетот за мирис и вкус.
Понекогаш лицето воопшто не развива симптоми, но ако кај вас се појават некои од симптомите, CDC препорачува да останете дома и да избегнувате контакт со други лица. Ако симптомите се влошат, повикајте лекар за да ве упати во следните чекори.
КОЛКУ ДОЛГО ТРААТ СИМПТОМИ?
Симптомите на КОВИД-19 може да појават помеѓу два до 14 дена откако сте биле изложени на вирусот. Од тогаш, траењето на болеста зависи од неколку фактори.
“Голем број лица имаат симптоми две недели – некои подолго, а некои пократко“, вели Ричард Воткинс.
Но, ако се развие тешка форма на КОВИД-19, може да се развијат и компликации како воспаление на белите дробови и во тој случај тие симптоми траат подолго.
“Воочено е дека кај потешко заболените пациенти им е потребна нега и дека и понатаму имаат симптоми како отежнато дишење по шест или повеќе седмици“, вели Дејвис Сенимо, експерт за заразни болести.
Но, ниту сите лица со блага форма на КОВИД-19 не се опоравуваат брзо. Во неодамнешно истражување CDC открил дека значаен број на претходно здрави млади пациенти – секој петти – не се враќа на вообичаената здравствена состојба, ниту во рок од 14 до 21 ден откако биле позитивни на КОВИД-19.
Откриле дека 26% од луѓето на возраст од 18 до 34 години кои биле асимптоматски носители на вирусот, имале долгорочни симптоми, и тоа најчесто кашлица, замор и тешкотии при дишењето. Тој број се зголемувал кај постарите луѓе.
КОЛКУ ДОЛГО СТЕ ЗАРАЗНИ?
Општо се верува дека луѓето веќе не се заразни откако поминале 10 дена откако почнале да чувствуваат симптоми, немале температура, а се подобриле и останатите симптоми, наведува CDC.
Првично се бараше едно лице да има два негативни теста за да може да се каже дека е КОВИД-19 негативен, но д-р Сенимо вели дека никој повеќе не сака да користи толку многу тестови на една личност.
ШТО ДА НАПРАВИТЕ АКО ИМАТЕ ДОЛГОТРАЈНИ СИМПТОМИ?
Некои луѓе се борат со последици на болеста дури и неколку месеци откако се појавиле симптомите. Најчести долготрајни проблеми се екстремен замор, невролошки проблеми, па дури и срцеви проблеми. Ако вашата состојба по болеста се влоши, тоа може да биде знак за секундарна инфекција како што е бактериска пневмонија или компликација како што е згрутчување на крвта. Но, ако не сте сигурни за вашите симптоми, најдобро е да го контактирате матичниот лекар за повеќе информации.
