Додека го воведувате своето бебе во светот на цврстата исхрана, важно е да знаете кој зеленчук да го воведете во исхраната и на која возраст. Ова знаење е посебно неопходно кога ќе се одлучите за подготвување домашни кашички за бебето.
Домашните кашички овозможуваат подобра контрола над состојките кои му се даваат на бебето.
Карфиолот може да биде одличен додаток во исхраната на детето и може да помогне во обезбедувањето на неопходните хранливи материи за здрав раст. Тоа е многу здрав зеленчук кој содржи фолна киселина, калциум, витамини А и Ц, и има висок процент на влакна.
Бебето може да се запознае со карфиолот меѓу осмиот и 10 месец.
Воведувањето на карфиолот по ран период не се препорачува, оти овој зеленчук малку тешко се вари и може да предизвика гасови кај детето. Дигестивниот систем на бебето не е во целост развиен, додека не наврши шест месеци и затоа е подобро да се почека.
Иако не е познато дека карфиолот предизвикува алергија кај бебињата, најдобро е да се воведе одвоено, така да во случај на несакана реакција ви биде лесно да ја идентификувате причината.
Сулфорафанот во карфиолот ја штити кожата на бебето од ултравиолетовите зраци, и превентивно делува на спречување на други состојби на детската кожа, како инфаламција, еритем и друго.
