Препорачаната возраст за воведување риба во бебешката исхрана варира. Некои педијатри предлагаат да се почека до третата година, меѓутоа главно тоа се однесува на школки и останати морски плодови. Други пак лекари велат дека најбезбедно воведување на риба во бебешката исхрана е помеѓу 9. и 10. месец. Некои пак предлагаат тоа да биде по шестиот месец.
Препораките за воведување на риба во бебешката исхрана од година в година се менуваат. Студија од 2008 година, како и многу други потоа, покажуваат дека чекањето на воведувањето риба не може да спречи било кои атописки болести.
“Иако цврстата храна не треба да се воведува пред 4-6 месец од животот на бебето, не постојат цврсти убедливи докази дека одложувањето на нејзиното воведување по овој период има значаен заштитен ефект на развојот на атопичните болести без разлика на тоа дали бебето е на млечна формула или на мајчино млеко. Истото важи и за воведувањето на храна која се смета за високо алергена, како што се јајца, риба и храна која содржи протеини на кикирики„, нагласуваат лекарите.
Зошто рибата е добар избор за бебето?
Рибата ги содржи сите девет аминокиселини, што значи дека таа е еден од неколкуте извори на сите потребни протеини. Нашето тело не произведува аминокиселини, што значи дека може да се внесат само преку храната што ја јадеме. Внесот на риба е многу здрава и хранлива опција за внес на омега 3 масни киселини, кои може да помогнат кај децата кои имаат егзема или друга болест на кожата.
Избор и чување на рибата
Кога купувате риба трудете да се да земате свежа, кога тоа и да можно. Белата риба треба да изгледа цврстo и треба да биде потемна или розеникава во внатрешноста на филетата. Целата риба и филетите треба да имаат цврсто и сјајно месо. Модрото месо може да биде знак дека рибата е стара. Пресуден е и мирисот. Ако во тој дел има било какви отстапувања, не треба да се купи. Кога рибата ќе се притисне, месото треба да се врати во првобитна положба. Во бела риба спаѓаат: орада, бранцин, зубатац, ослиќ
