Децата се заштитени од потешка форма на КОВИД-19, оти нивниот вроден имунитет брзо го напаѓа новиот коронавирус SARS-CoV-2, покажало нови истражување. Имено, се покажало дека специјализирани клетки во детскиот имун систем брзо го таргетираат новиот коронавирус.
Инаку, децата имаат помала веројатност дека ќе се заразат со новиот коронавирус, а една третина од заразените деца се асимптоматски, што претставува значајна разлика во однос на поголемата преваленца и тежина на болеста кај децата кои се заразени со повеќето останати респираторни вируси.
Треба да се истакне дека инфекцијата со новиот коронавирус кај децата се карактеризира со активација на неутрофили, специјализирани бели крвни клетки кои помагаат во опоравување на оштетните ткива и решавање на инфекциите и ги намалува имунолошките клетки кои први реагираат на инфекцијата , како моноцити, дендритични клетки и природни клетки убијци, што укажува дека имунолошките клетки кои се борат против инфекцијата, мигрираат на местата на заразата, брзо елиминирајќи го вирусот, пред да има можност навистина да се зафати.
Сето ова укажува дека вродениот имунитет – нашата прва линија на одбрана од микроби – е пресуден за превенција на сериозен КОВИД-19 кај децата. Важно е да се спомене, дека оваа имунолошка реакција не се повторила кај возрасните лица кои учествувале во истражувањето.
Исто така, ова истражување покажало дека децата кои биле заразени со SARS-CoV-2, успеале да воспостават имунолошки одговор кој бил многу ефикасен во стопирање на репликацијата на вирусот.
