“Родителите често се разочарани, па дури и помалку вознемирени кога ќе им кажам дека не постои лек кој може да му помогне не неговото дете со кашлицата, кивањето и течењето нос. Не постои ништо што навистина функцонира, а лековите може да имаат негативни последици“, вели педијатарот Пери Клас, и додава дека не препорачува лекови за кашлица и настинка за деца помлади од шест години.
Но, родителите и тоа како се свесни колку кашлањето и носот кој тече може да го направат детето очајно, од мрзливи денови до непроспиени ноќи.
Неодамна, истражувачите ги проучувале лековите за кашлица и настинка и колку тие навистина се ефикасни за лекување на кивавица и течење на носот и може ли тие и да му наштетат на детето.
“Родителите секогаш се загрижени дека нешто лошо се случува и дека мораат веднаш да реагираат“, објаснува педијатарот Миеке Дриел, една од авторките на истражувањето. Со оглед на долгогодишното искуство, таа вели дека е свесна за итноста која родителите ја чувствуваат за да пронајдат нешто што на нивното дете ќе им го олесни стресот и непријатноста што ја чувствуваат.
“За жал, нашите истражувања покажаа дека постојат многу малку докази дека таквите лекови делуваат, особено кај малите деца. Родителите треба да разберат дека постојат јасни ризици кога се во прашање таквите лекови и малите деца“, истакнува д-р Дриел.
Американското здружение за педијатрија препорачува да на децата помали од шест години не смее да се даваат лекови и додатоци против кашлица и настинка од аптека.
Педијатрите наместо лекови за кашлица и настинка ги советуваат родителите да им помогнат на децата на начин да пијат многу течности и мед, ако се постари од една година.
Секако, сите препораки се однесуваат на вообичаена настинка, кога детето е способно да јаде и пие, и да си игра.
