Покрај маските за еднократна употреба, т.н. немедицински маски се една од мерките во спречување на глобалната пандемија со КОВИД-19 и очекувано се најбараниот додаток во месеците кои се пред нас.
Ако и вие и за децата сега веќе имате мини колекција на маски, треба да се потсети и на нивните правила за одржување за да навистина бидат ефикасни.
Тоа секако не значи иста маска да се носи со денови. Овен што е важно правилно да се носи (значи на носот и на устата, прилепени за лицето), важно е и да се чистат. Значи, по симнување на користената маска, рацете треба убаво да се измијат со сапун и вода.
Иако на интернет може да се најдат безброј совети за дезинфекција на маските со помош на микробранова печка или потопување во вода што врие, најдобро е да се примени класично перење и сушење.
Како што советува Центарот за контрола и превенција на болести на САД (CDC), платнените маски може да се перат со останатите алишта и тоа на највисока температура во машина за перење.
Доколку се пере рачно, треба да се користи средство за дезинфекција, на пример, избелувач кој соджри 5,25%-8,25% натриум хипохлорит и тоа 4 лажици на литар вода на собна температура. Маската се става во овој раствор да отстои пет минути. Потоа се плакне со студена вода и се става да се суши (доколку е можно на сонце). Доколку имате маска со филтер, заменете го по секоја употреба.
Најдобро е маската да се испере со секое користење и добро да се исуши на воздух. Може да се сушат и во машина за сушење, на највисока температура.
Од платнените маски, најдобри се двослојните памучни маски.
“За оптимална ефикасност, најдобро е да се користи двослојна памучна текстилна маска за лице, која има улога на текстилна бариера и истата треба правилно да се носи: цврсто припиена на носот и устата и цело време додека се носи, истовремено да ги покрива и носот и устата, како и да се смени ако е мокра и да не се допира додека се носи. Физичката бариера која се создава со правилното носење на маска за лице, може да пружи одредена заштита против поголемите капки во кои може да се наоѓа вирусот и да спречи допир на слузницата на носот/устата со контаминираните раце. Таквите маски, како и останатите текстилни парчиња ќе го забават преносот на респираторните капки и ќе ја зајакнат свеста за потребата од физичка оддалеченост, како и за повнимателно однесување кон себе и кон останатите во вид на заштита на здравјето. На тој начин може да се придонесе во намалување на понатамошно ширење на вирусот SARS-Cov-2“, велат епидемиолозите.
