Во период на вируси, особено сега во време на пандемија со коронавирус, силниот имунитет може да го заштити детето од непријатности и дополнителни ризици кои ги носат сите типови на вируси. Здрават и правилна исхрана е првиот чекор во зајакнување на детскиот имунитет. Балансираната исхрана е важна, но некои намирници посебно можат да помогнат во јакнење на детскиот имунитет.
Еве кои осум намирници/храна ќе го направат детето поотпорно на вируси:
- Риба
Омега-3 масните киселини го поттикнуваат имуниот систем на детето така што ги подигаат одбранбените способности на белите крвни зрнца кога ќе се најдат во борба со бактериите. Се наоѓаат во масната риба, како лосос, пастрмка или туна. Омега-3 масните киселини ги ублажуваат воспалителните процеси.
- Лук
Лукот е суперѕвезда кога е во прашање храна што го јакне имунитетот. Тој содржи компоненети, како што е алицинот кој на децата им помага полесно да се изборат со инфекциите, а поттикнува продукција и на антитела, па на тој начин детскиот организам полесно се справува со вирусите.
- Бадем
Не само што изобилува со многу хранливи материи, протеини, влакна, калиум, здрави маснотии, бадемот содржи и ниацин и рибофлавин – витамини од Б групата кои го неутрализираат негативното дејство на стресот, подигајќи го имунитетот. Само една четвртина шолја бадеми, содржи доволна количина од дневните потреби на детето за витамин Е – моќен антиоксидант. На помалите деца, бадем може да им дадете сомелен или во форма на путер, и на тој начин да избегнете можно гушење.
- Пилешка супа
Да! Пилешката супа навистина помага при ублажување на симптомите на настинка и грип. Таа помага на два начина – прво со своето антивоспалително дејство, така што поттикнува циркулација на неутрофилите – клетки кои учествуваат во антивоспалителниот одговор на организмот, а ппомага во исфрлање на собраниот секрет.
- Печурки
Иако печурките и не се зеленчук кој било кој го споменува кога е здравјето на децата во прашање, немојте тоа да ве прелаже. Печурките се преполни со хранливи материи кои го поттикнуваат имунитетот. Освен што се покажало дека имаат антивирусни својства, ги одликуваат и антибактериски. Богати се со селен – минерал кој е одличен антиоксидант и кој кај децата ја намалува можноста за разболување. Освен селен, содржи и цинк кој го штити имуниот систем.
- Сладок компир (батат)
Слаткиот компир содржи голема количина на бета каротен кој во телото се претвора во витамин А. Тој има клучна улога кога е заштита и здравјето на кожата во прашање, а кожата е главната бариера на нашето тело против бактерии, вируси и бацили кои предизвикуваат различни болести. Наместо обичен компир, за подготовка за помфрит користете сладок – децата ќе бидат воодушевени.
- Овес и јачмен
Овесот и јачменот се високо растворливи влакна, бета-глукани. Тој вид на влакна има антимикробни и антиоксидативни својства, што може да биде од помош кога организмот на детето се бори против грип или некоја друга болест. Растворливите влакна ублажуваат и воспаленија, што може да помогне во процесот на оздравување на детето.
