Зелката е познато дека создава гасови. Иако гасовите може да бидат здрави за варењето, може да бидат непријатни за бебето. Од тие причини, зелката се воведува кога бебето ќе наполни 11 месеци.
Зеленчукот како зелка е на врвот на листата намирници кој создава гасови, и за да тоа се избегне, при готвењето не го користете големиот корен кој ги раздвојува листовите во средина. Зелката содржи бројни витамини и минерали. Содржи калциум повеќе од останатите растенија, а по содржината на витамин Ц е еднаква со лимонот и портокалот. Содржи и значајна количина на влакна, што го олеснува запекот кај децата.
Како да ја подготвите зелката за бебето?
Свежата зелка е тешка за џвакање, и за почеток најдобро е таа да се вари за детето. Најдобро е да се готви на пареа, оти на тој начин се задржуваат хранливите состојки. Зелката станува тешко сварлива и предизвикува надуеност дури откако ќе се свари во вода, па за да се надмине тоа, се додава ким во варењето.
