Проблемите со хранењето кај бебињата може да варираат од ненадејно исфрлање на храната, преку размачкани моркови во косата, па сè до целосно одбивање на јадењето. Без разлика дали ви изгледа смешно или можеби, застрашувачки, постои начин како да се справите со нив.
Прво, опуштете се. Иако пречките при хранењето се фрустрирачки, ако вашето бебе расте и се развива нормално, обично нема причина за грижа.
7 ВООБИЧАЕНИ ПРОБЛЕМИ СО ХРАНЕЊЕТО КАЈ БЕБИЊАТА
- Одбивање храна
Бебињата одбиваат храна од многу причини: можеби се сити, уморни, дефокусирани или болни. Можеби распоредот за хранење на бебето едноставно не се совпаѓа со вашиот. Не грижете се, бебето секогаш ќе јаде ако е гладно. Ако вашето малечко го турка лажичето, се врти на другата страна или ја затвора устата, ви кажува дека му е доволно засега. Само осигурете се дека бебето јаде здрава храна и дека не се заситило претходно со „нездрава“ храна.
Постојат многу причини зошто доенчињата можат да бидат пребирливи кога станува збор за храната. Можеби им растат заби, уморни се, сè уште не се подготвени за цврста храна или едноставно не им треба толку храна колку што им давате
Обидете се да му верувате на бебето дека знае колку храна му е потребна и никогаш не го присилувајте да јаде, бидејќи тоа може да го претвори времето за оброк во време за борба. Сепак, ако одбивањето на храна ве загрижува, секогаш разговарајте со вашиот педијатар.
- Избегнување нова храна
Речиси секое дете поминува низ период на одбивање нови намирници. За среќа, повеќето деца ја надминуваат оваа фаза, иако тоа понекогаш може да трае со недели или месеци.
Помогнете му на бебето полесно да ја прифати новата храна така што ќе се погрижите таа да изгледа слично на некој веќе познат фаворит (на пример, пире од моркови и пире од сладок компир). Потоа, почнувајќи со многу мали порции, нежно понудете ја новата храна трипати во текот на оброкот. Ако одбие, не реагирајте бурно, едноставно преминете на нешто што знаете дека го сака. Обидете се да ја понудите истата храна при некој следен оброк.
Често постои фаза на неред кога бебето троши повеќе време играјќи си со храната или фрлајќи ја, отколку јадејќи ја. Овие класични знаци на независност при хранењето обично се појавуваат околу деветтиот месец, кога вашето мало е желно да ја преземе контролата и да стапи во интеракција со храната. Иако често е вклучен голем неред кога го оставате бебето да го држи лажичето, овој чекор е важен за да му помогнете да учи, да расте и да стане самостојно
- Нервозно бебе, пребирлив јадач
Многу родители велат дека нивното бебе е пребирливо.
Постојат многу причини зошто доенчињата можат да бидат пребирливи. Можеби им растат заби, уморни се, сè уште не се подготвени за цврста храна или едноставно не им треба толку храна колку што им давате. Познатите вкусови му нудат утеха на бебето во стресни и напорни периоди. Иако пребирливоста може да потрае некое време, таа ретко е трајна.
- Нагони за повраќање
Повеќето бебиња се подготвени за цврста храна помеѓу 4 и 6 месеци, но на некои може да им биде тешко да се справат со неа на почетокот. Резултатот? Може да изгледа како бебето да има нагони за повраќање за време на хранењето.
Ако вашето бебе тешко ја голта цврстата храна, обидете се да ставате помалку храна на лажичето. Ако и понатаму има нагони, можеби сè уште не е подготвено за цврста храна. Вашиот лекар, исто така, може да провери дали постојат други причини за ова однесување на детето.
- Правење неред
Понекогаш наречено „хранење на подот“, често постои фаза на неред кога бебето троши повеќе време играјќи си со храната или фрлајќи ја, отколку јадејќи ја.
„Бљуцкањето“ е речиси универзална појава кај бебињата. Добрата вест е што тоа обично исчезнува до првиот роденден. Можете да го намалите со редовно подждригнување на бебето, избегнување на прекумерно хранење и држење на бебето во исправена положба додека го храните
Овие класични знаци на независност при хранењето обично се појавуваат околу деветтиот месец, кога вашето мало е желно да ја преземе контролата и да стапи во интеракција со храната. Иако често е вклучен голем неред кога го оставате бебето да го држи лажичето, овој чекор е важен за да му помогнете да учи, да расте и да стане самостојно.
- Алергии и интолеранција на храна
Алергиите на храна, кои го активираат имунолошкиот систем, се појавуваат кај околу 8 % од децата и можат да настанат ненадејно. Симптомите варираат од дијареја, повраќање, осип или болки во стомакот до проблеми со дишењето и отекување на лицето/телото. Најчести алергии кај децата се на млеко, соја, јајца, пченица, јаткасти плодови и морски плодови.
Интолеранцијата на храна е почеста од алергиите. Иако симптомите можат да бидат слични, интолеранцијата го вклучува дигестивниот систем, а не имунолошкиот. Вообичаени се проблемите со лактоза, пченка или глутен. Симптомите вклучуваат гасови, надуеност, дијареја и болки во стомакот.
- „Бљуцкање“, рефлукс или повраќање
„Бљуцкањето“ е речиси универзална појава кај бебињата. Добрата вест е што тоа обично исчезнува до првиот роденден. Можете да го намалите со редовно подждригнување на бебето, избегнување на прекумерно хранење и држење на бебето во исправена положба додека го храните.
Рефлукс е кога содржината од желудникот се враќа назад во хранопроводникот на бебето. За да се помогне при справување со рефлуксот, хранете го бебето со помали количини или побавно на секој оброк; сменете ја или олабавете ја пелената; држете го исправено по хранењето најмалку 30 минути; ограничете ја активната игра веднаш по јадење; подигнете ја главата на креветчето со подметнување под душекот (не со перници или полнети играчки) под главата на детето.
Повраќањето, кога храната излегува посилно, може да има многу причини – незрел дигестивен систем, инфекција, лекови и движење во возило, меѓу другото. Иако повраќањето обично се подобрува само од себе, јавете се кај педијатар ако бебето изгледа дехидрирано, има силно повраќање или повраќа повеќе од 24 часа, ако забележите крв во повратената содржина, ако детето изгледа дека има болка или не може да задржи течности. Силното повраќање кај новороденчињата може да биде предизвикано од физичка состојба наречена пилорна стеноза, која го блокира преминувањето на храната од желудникот во цревата. Оваа состојба, која најчесто се јавува меѓу 4-тата и 8-мата недела од животот, бара хируршка корекција.
Кога да повикате лекар?
Секогаш е добра идеја да разговарате со вашиот педијатар ако сте загрижени, особено ако детето не напредува соодветно. Повикајте лекар ако бебето:
- Губи на тежина.
- Летаргично е или изгледа дехидрирано.
- Има упорно повраќање, нагони за повраќање или дијареја.
- Има болки во стомакот.
- Има крв во повратената содржина. (WebMD)
