Понекогаш за време на ултразвучен преглед се случува лекарите и идната мајка да видат дека бебето во стомакот зева или се смее или го цица палецот. Научниците истражувале што влијае на однесувањето на бебето во матката.
Некои вообичаени уверувања говорат дека емоциите на мајката влијаат и на бебето во матката, но научниците откриле нешто друго. Имено, храната што мајката ја јаде во голема мера влијае на бебето во стомакот, односно на неговите изрази на лицето. Дури и во стомакот, бебињата сакаат или не сакаат одредена храна.
Универзитетот Дурам во Англија спровел студија во која учествувале 100 здрави трудници на возраст меѓу 18 и 40 години, кои биле бремени осми и деветти месец.
Научниците откриле дека кога идните мајки јадат моркови, бебињата во матката почнуваат да се насмевнуваат, додека зевале или правеле незадоволни изрази на лицето кога мајките јаделе зелка.
„Со помош на ултразвук, успеавме да ја воочиме врската помеѓу храната што ја консумира мајката и изразот на лицето на бебето“, вели една од авторките на студијата, Надја Рејсланд.
Научниците се надеваат дека овие резултати ќе им помогнат на идните родители да сфатат дека изложувањето на бебетро на различни вкусови во матката може да влијае на тоа која храна ќе му се допаѓа подоцна.
