За подобро да разберете каков ритам на спиење имаат бебињата, добро е да знаете и колку на бебето му треба сон во одреден период од животот, и како изгледа распоредот на спиење.
СПИЕЊЕ ПО МЕСЕЦИ
0-3 месеци
Во оваа фаза бебето тукушто учи да разликува ден и ноќ и ритамот на спиење допрва треба да се развие. Главно бебето спие од 16 до 20 часа дневно, но на интревали од по 2 до 4 часа. Причина за тое многу малото стомаче. Бебе старо еден ден има стомаче со големина на цреша, додека со еден месец големината е колку јајце. Односно, многу е мало и во него не може многу да се собере, па бебето треба почесто да јаде за да ги задоволи своите потреби за калории.
3-6 месеци
Бебето сега спие помеѓу 10 до 18 часа, но и понатаму често се буди поради хранење. Во оваа фаза спиењето почнува да се разликува од бебе до бебе, но за повеќето важи правилото дека имаат три дневни спиења.
6-12 месеци
Бебето во овој период спие околу 14 часа. Дневното спиење трае помеѓу 1-2 часа, но исто така голем број деца спијат помалку од еден час. Исто така, доаѓа до изостанок на едно дневно спиење. Кога станува збор за ноќното спиење, повеќето деца на оваа возраст првите знаци на замор ги покажуваат помеѓу 18 и 22 часот. Успивањето трае околу 30 минути, бебето се буди во текот на ноќта и потребна му е помош од родителите за повторно да заспие.
ПРОМЕНА НА НАВИКИТЕ
Кога се запознавте со рамките околу спиењето кои важат за поголем процент на бебиња, да го објасниме проблемот, односно решението. За да реши проблемот, треба да се утврди што го попречува сонот. Дали станува збор за навики (успивање со држење во раце и доење), глад или на бебето нешто му пречи (заби, дигестија). Тука помага водење дневник. По една недела, може да увидите кој е распоредот на вашето бебе и што треба да менувате.
Промената на навиките околу спиењето ќе бара многу трпение од родителите. Меѓутоа, ако тоа го решите сега, подоцна ќе ви биде полесно. За седум до десет дена бебето ќе се навикне на новата рутина. Секако, дека на почетокот ќе се буди и ќе одбива соработка, бидејќи како и возрасните, и тоа не сака да ја менува својата рутина, па дури и тогаш кога знаеме дека е најдобра.
Веќе првите денови од животот на бебето може да применувате рутина на спиење – будење. Иако тоа се противи на сите наши родителски инстинкти, оваа рутина му помага на бебето да се научи само да се успива. Значи, кога бебето се успива со држење во раце или со доење, треба лесно да се разбуди (со галење по лице, скокоткање на стапалата) пред да се стави во креветче. На тој начин бебето че биде доволно будно да ја увиди промената, а повторно доволно псопано да продолжи и натаму да спие. Ако целосно се разбуди, треба повторно да се успие, но и повторно да се разбуди пред да се стави во креветче.
За подолго ноќно спиење со помалку будења, помагаат дополнителните подои еден до два часа пред спиење. Тоа посебно важи за бебињата кои ќе наполнат шест месеци. Тие тогаш се веќе прилично активни и почнуваат да јадат и дополнителна храна. Но, овошјето и зеленчукот немаа ни одблиску хранливост како мајчиното или адаптираното млеко. Токму гадот е главна причина за будење кај тие бебиња.
