Истражувачот за детски развој, Клер Лернер тврди дека колку повеќе играчки има детето, толку помалку игра. Премногу играчки може да го одвлечат вниманието, што доведува до губење на концентрацијата потребна за „учење“.
Мајкл Мелоун, професор за рано воспитување и образование на Универзитетот во Синсинати, се согласувс со ова. Неговото истражување покажало дека помалите и подобри играчки водат до зголемено споделување и соработка, и двете вредни животни вештини. Освен тоа, премногу играчки поттикнуваат самостојна игра, а во исто време предизвикуваат чувство на непродуктивно преоптоварување.
Па, што тоа значи? Нема потреба да се грижите за тоа да набавите сè што е на листата на желби. Поминувањето време со вашите деца е многу повредно.
Со истражувањето на три илјади 3-5-годишни деца на Универзитетот во Оксфорд е утврдено дека академскиот успех на децата зависи повеќе од домашната средина и вклученоста на родителите отколку од играчките или електронските уреди што им се подаруваат. Оние кои имале помалку играчки и без електроника, но имале родители кои поминувале повеќе време со нив, имале подобри резултати на училиште и во многу области на социјалниот и емоционалниот развој, што укажува на тоа дека вниманието на родителите е подобро од која било играчка или екран.
