Земете ги предвид подлабоките причини поради кои вашето дете се буди навечер:
МЕНТАЛНИ И ЕМОЦИОНАЛНИ: На малите деца им треба време за да го “обработат“ својот ден, особено ако имале ново и возбудливо искуство.
Ако немале простор за тоа пред да легнат да спијат, ова може да биде една од причините зошто се будат навечер. Една од работите која е добро да се воведе во рутината е да им придадете поголемо значење на случувањата како подготовка за легнување и облекувањето пижами, како и миењето заби. Тоа помага децата да ги процесуираат и да ги разберат искуствата, и им помага да спијат мирно и незгрижно.
ФИЗИЧКИ: На децата им треба можност за трчање, движење и максимално користење на нивните тела.
Ако вашето дете помине многу време седејќи, може ноќта да ја помине повеќе будно, отколку во сон. Имајте на ум дека за време на ваквите денови, треба да му обезбедите на детето можност да ја потроши својата енергија пред да си легне да спие.
ПРЕХРАНБЕНИ: Дали детето изело поголема количина преработена храна, храна полна со бои, адитиви и конзерванси? Или можеби млечни производи или оние со пченица?
Ако детето јаде непосредно пред легнување, размислете и за својата исхрана. Дали сте испиле шолја кафе доцна и потоа сте го подоиле детето? Водењето дневник за исхраната и сонот на детето може да ви помогне да препознаете одредени обрасци кои ја поврзуваат нивната исхрана со спиењето. Ако забележите дека детето се буди со текот на ноќта и испушта гасови, размислете за тоа што јадело во текот на денот и може да добиете одговор на честото будење во текот на ноќта.
