Ваквото однесување најчесто им се „случува“ на децата пред да влезат во пубертет, а се смета дека причината лежи во гените, односно дека ваквото однесување е наследно.
Што може да предизвика месечарење кај децата:
Месечарењето погодува околу 15 проценти од децата и е состојба која е почеста кај децата отколку кај возрасните. Најголем процент од децата кои месечарат веројатно имале член од семејството кој го правел истото, на пример татко, дедо…но има и некои други алтернативни „тригери“ за месечарење, а експертите сметаат дека тие се:
- Полн мочен меур
- Анксиозност и стрес
- Бучава
- Зголемени крајници
- Нарушувања на спиењето
- Употреба на одредени лекови
Симптоми на месечарење:
Спротивно на популарното верување, детето кое месечари не мора секогаш да шета од соба во соба како што се прикажува во филмовите.
- Еден од најчестите симптоми на месечарење е кога детето наеднаш ќе се разбуди од сон и ќе седне на креветот или ќе стане и ќе почне да оди. Родителите обично го забележуваат ова однесување неколку часа откако детето ќе отиде да легне да спие.
- Детето може да изгледа зашеметено и збунето, а очите може да му бидат отворени или затворени за време на месечарењето.
- Во некои случаи, детето може да изврши дури и некои посложени дејства за време на месечарењето, како јадење или облекување, а всушност не е ни будно.
- Детето исто така може да зборува, но говорот честопати е неврзан, неразговетен и без големо значење. Сценариото обично трае околу 15 минути и обично се случува само еднаш во текот на ноќта. Избегнувајте да го будите детето за време на месечарење.
Помогнете му на детето што месечари
Месечарењето е поверојатно да влијае на емотивните деца. Ако имате чувствително дете и некој во семејството кој месечари, не треба веднаш да се грижите дека состојбата ќе го погоди и вашето дете, а ако и го погоди, децата едноставно го надминуваат месечарењето. Нема потреба од никаква медицинска интервенција.
Еве неколку совети за родителите на малите месечари:
- Важно е да се осигурате детето да не се повреди за време на месечарење
- Обидете се да ја направите детската соба што е можно побезбедна за малиот месечар, без остри рабови и предмети.
- Ако детето спие во кревет на спрат, не треба да спие на горниот кат
- Внимавајте надворешната врата секогаш да биде заклучена, бидејќи децата кои месечарат често се обидуваат да излезат од домот
- Ако детето месечари, добро е да се придржувате до одредена рутина, оставете го да изврши нужда пред да заспие, нека биде сито и хидрирано, ова може да ја намали можноста за ноќни прошетки
- Погрижете се детето да спие доволно ноќе
- Не се мешајте во месечарењето на детето, не зборувајте и не го будете детето
- Обидете се да го елиминирате детето од сите стресни ситуации кои можат да предизвикаат месечарење.
