На сите ни е познато одење во тоалет „за секој случај“, пред излегување надвор или само затоа што поминуваме покрај купатилото. Ако сте родител, можеби сте им кажале и на вашите деца да одат во тоалет сега за да не мора тоа да го прават подоцна.
Потребни се околу два часа водата што ја пиете да стигне до вашиот мочен меур
Одењето во тоалет „за секој случај“ не е проблем доколку е повремено и доколку имате нормална функција на мочниот меур.
Но, ако го правите тоа премногу често и ви стане доживотна навика, може да влезете во маѓепсан круг. На крајот можете да го навикнете вашиот мочен меур да „мисли“ дека треба да работи кога е само малку полн. А проблемот може да се влоши со текот на времето.
Вашиот мочен меур веројатно може да поднесе повеќе отколку што мислите
Повеќето мочни меури всушност можат да задржат доста течност. За оние со нормален мочен меур (односно, не ви е дијагностициран прекумерно активен или иритабилен мочен меур), дневниот капацитет е помеѓу 400-600 ml. Потребни се околу два часа водата што ја пиете да стигне до вашиот мочен меур.
Значи, ако испиете шише вода од 600 ml, би било сосема разумно да не треба да одите во тоалет во првите неколку часа. Меѓутоа, во реалноста, постојат луѓе кои пијат само мала количина, а кратко потоа одат во тоалет.
Што се случува ако стекнете навика „за секој случај“?
За полесно мокрење потребно е мускулот на мочниот меур да контрахира, а мускулите околу уретрата и карличното дно да се опуштат. Ова координирано движење не се случува ни приближно добро ако не постои вистински нагон за мокрење. Веројатно ќе можете да исцедите малку урина, но тоа не е начин на кој мускулите треба да работат.
Мочниот меур е навикнат да задржи одредена количина и ако секогаш ја празните истата количина, станува потешко да задржите повеќе од тоа.
Добрата вест е дека повеќето луѓе со нормален мочен меур можат да се ослободат оваа навика. Станува збор за учење да ги препознавате знаците и да правите разлика помеѓу мал нагон и вистинска потреба.
Оставете ги вашите деца да одат во тоалет кога навистина им се оди
Сите се сеќаваат на децата кои ги намокриле панталоните на училиште или оние кои имале проблем „затоа што морале да одат во тоалет за време на одморот“.
Подобро е да ги пуштите децата да одат во тоалет кога треба, наместо да се жалите што не отишле во тоалет за време на одморот или „пред да излезат“.
Долгорочно, може да предизвикате поголема штета (физичка и психичка) доколку им го отежнувате одењето на децата во тоалет. Немојте секогаш да ги терате да одат во тоалет.
