Вообичаено е, и тоа секој родител го знае, дека децата почесто се разболуваат во есен и зима. Многумина сметаат дека тоа е поврзано со студениот воздух надвор, но алергологот и имунолог д-р Елена Куркова ја открива вистинската причина за падот на имунитетот кај децата и возрасните во овој период.
Таа вели дека главен виновник е промената, односно промените на надворешната температура, временските услови, недостатокот на витамин Д, како и ширењето на респираторните инфекции.
“Респираторни инфекции има повеќе во есен и зима, но не поради студениот воздух. Децата почнуваат да поминуваат повеќе време во затворени простори, вдишувајќи контаминиран воздух”, вели д-р Куркова.
Таа истакнува дека е многу полесно детето да „собере“ грип или некоја респираторна вирусна инфекција бидејќи повеќе време поминува во затворен простор, на пример во градинка или училиште, во контакт со други деца. Сето ова го зголемува ризикот од инфекција со вирусот, кој лесно се пренесува меѓу децата со кивање, кашлање, па дури и за време на говорот.
