Иако се повеќе превладува чувството дека наскоро ќе се вратиме во нормала, повеќе од една година по прогласувањето на пандемијата, експертите предупредуваат дека вакцинацијата е единствениот начин да се стори тоа, особено во светло на новото истражување кое открива долгорочни последици од Ковид-19.
Неодамнешните анкети покажуваат дека младите луѓе почесто ја одбиваат вакцината отколку постарите
Во досега најголемата студија за долгорочните последици од Ковид-19, како што тврдат авторите, научниците од Универзитетот во Вашингтон во Св. Луис откриле дека луѓето кои го прележале Ковид-19 се изложени на многу поголем ризик од смрт и здравствени компликации во рок од шест месеци по поставувањето на дијагнозата, дури и ако имале лесна форма на болеста.
„Мора да мислиме и на можната здравствена криза што ова може да го предизвика во наредните години“, изјави д-р Санџај Гупта за Си-Ен-Ен.
Многу земји се борат со мотивацијата на граѓаните да се вакцинираат. Американците имаат голем број кампањи, но милиони Американци сè уште не сакаат да се вакцинираат, а експертите посочуваат дека е потребно многу повисоко ниво на вакцинација за да може да се контролира вирусот. Неодамнешните анкети покажуваат дека младите луѓе почесто ја одбиваат вакцината отколку постарите.
Помеѓу еден и шест месеци од дијагностицирањето, пациентите со Ковид-19 имаат 60% поголем ризик од смрт отколку пациентите кои никогаш не биле заразени со коронавирус. Пациентите кои прележале Ковид-19, исто така, имаат 20% шанси дека ќе им треба медицинска помош во следните шест месеци поради здравствени компликации
Студијата од Вашингтон го покажува она што многу експерти го тврдат од минатата година – не сакате да се разболите од Ковид-19.
Помеѓу еден и шест месеци од дијагностицирањето, пациентите со Ковид-19 имаат 60% поголем ризик од смрт отколку пациентите кои никогаш не биле заразени со коронавирус. Пациентите кои прележале Ковид-19, исто така, имаат 20% шанси дека ќе им треба медицинска помош во следните шест месеци поради здравствени компликации.
За жал, лекувањето на долготрајниот Ковид-19 е ограничено и се уште не се знае доволно за тоа. Добрата вест е што вакцината освен што значително го намалува ризикот од инфекција, најверојатно штити и од долготрајни симптоми. Д-р Гупта истакна дека се уште треба многу да се учи за вирусот.
