Урмите претставуваат важен дел од исхраната на бебето. Ова вкусно овошје во себе содржи витамини и минерали кои се од витално значење за раст и развој на децата. Тие се преполни со прости шеќери, како фруктоза и декстроза кои поттикнуваат моментална енергија во телото на детето.
Урмите се познати како овошје кое е добро за срцето, оти имаат ниско ниво на холестерол и заситена содржина на масти. Тие содржат хранливи материи кои се есенцијални за здрав раст и развој на најмладите.
|
УРМИ (100ГР ЗРЕЛИ) |
|
|
ВИТАМИНИ И МИНЕРАЛИ |
|
| Фолна киселина – 1.5Ug | Ниацин – 1.6 мг |
| Пантотенска киселина – 0.8 мг | Пиридоксин – 0.24 мг |
| Рибофлавин – 0.06 мг | Тиамин – 0.05 мг |
| Витамин А – 149 IU | Витамин К – 2.7 Ug |
| Железо – 0.90 мг | Магнезиум – 54 мг |
| Фосфор – 62 мг | Цинк – 0.44 мг |
| Бета каротен – 89 Ug | · Лутеин – 23 Ug |
Една цела урма, ги нуди следниве нутритивни вредности:
| Калории – 66 |
| Влакна – 1.6 грама |
| Железо – 0.22 мг |
| Калциум – 15 мг |
| Калиум – 167 мг |
| Содржи и траги од ниацин, витамин А и фолна киселина |
Кога се вклучуваат во исхраната на бебето?
Кога бебето ќе наполни шест месеци вообичаено почнува воведувањето на дохрана. Не му давајте на бебето веднаш урми на почетокот на дохраната. Во почетокот воведувајте ја урмата во помали количини за да сфатите како бебето ја поднесува. Урмите треба да се воведуваат пополека и заедно со друго, веќе испробано овошје. Не го заборавајте правилото од четири дена чекање за секоја нова намирница. Во овој период најдобро е да користите свежи, а не суви урми.
