Секоја жена која била бремена, искусила појава на лошо помнење и губење на нешта, а научниците велат дека тоа е сосема нормална појава во подоцниот стадиум од бременоста. Тоа го потврдило и последно истражување кое открило дека жените во последните шест месеци на бременоста и во првите три по породувањето, имаат проблеми со просторното помнење, однсоно често не можат да се сетат каде оставиле одредени работи.
Потешкотиите, велат научниците, се појавуваат поради хормоните кои влијаат на мозокот.
“Заборавеноста и недоволното внимание се честа појава кај трудниците. Открвиме дека зголемените количини на хормони за време на бременоста влијаат на мозокот, па се јавува заборавеност и слаба концентрација“, појаснила водачот на истражувањето, Диана ферар од Универзитетот Брадфорд во Велика Британија.
Хормоните најмногу влијаат на делот на мозокот задолжен за просторно помнење кој помага луѓето да се присетат каде ги оставиле работите, но и по кој пат треба да одат за да стигнат до одредената цел. Но, станува збор за краткотрајна појава која исчезнува три месеци по породувањето.
