Одлуката да се прекине со раѓање може да биде една од најтешките семејни одлуки за родителите. Уживате во родителството, биолошкиот часовник полека отчукува, а вие се прашувате – ако не ја искористиме приликата, можеби ќе зажалиме што немаме уште едно дете.
Но, да имате уште едно дете само затоа што биолошкиот часовник отчукува не е знак дека сте подготвени да го проширите семејството. За да донесете толку важна одлука со сигурност, поставете си ги следните прашања.
- Какво е моето здравје? Кога се разгледува здравствената состојба, треба да се земат предвид компликациите за време на претходните бремености или раѓања. Ако знаете дека раѓањето на друго дете може да биде товар за вашето тело, размислете добро за нова бременост.
- Што е со логистиката? Ако уште едно бебе ја комплицира вашата логистика, т.е. се појават нови барања, како што се поголем автомобил, поголем простор за живеење, а вие не сте финансиски способни да ги задоволите наведените потреби, може да се чувствувате фрустрирани и вознемирени со уште едно дете во семејството.
- Можете ли да се справите со уште еден период на неспиење? Ако не можете да замислите непроспиени ноќи, не сте подготвени за бебе.
- Дали можете да се справите со повисоки трошоци за живот? Ако математиката јасно покажува дека уште едно бебе ќе ги оптовари вашите финансии, особено затоа што трошоците за живот се во пораст, прифатете го тоа како „црвено знаме“ за нова бременост.
- Ако вашето семејство често патува? Ако патувањата се важни за вашето семејство, бидете свесни дека ќе мора да ги одложите или намалите за некое време.
- Дали ви е важна слободата? Постарите деца веќе не бараат толку многу, а вие сте се навикнале да имате време за себе. Дали можете повторно да се посветите на едно лице 24 часа на ден, седум дена во неделата.
- Дали сакате да напредувате во кариерата? Доколку сте почнале да напредувате на работа и би ви било тешко да се вратите неколку чекори наназад, добро размислете за доаѓањето на ново бебе.
- Можете ли подеднакво да се посветите на постарите деца и на идното бебе? Ако веќе сте оптоварени со справување со постаро дете или деца, тешко дека ќе имате помалку обврски со еден член повеќе.
- Што мислат останатите членови на семејството? Ако вашиот партнер не е за ново бебе, а и децата не се баш воодушевени, можеби не треба да инсистирате на нова бременост. Затоа што кога ќе дојде бебето ќе бидат вклучени сите членови на семејството.
- Дали сте задоволни од моменталната ситуација? Ако се чувствувате задоволни и благодарни за она што моментално го имате, а вашето семејство се чувствува комплетно – можеби треба да останете во вашата моментална семејна структура.
