Зошто на бебето му се затнува носето? Вирусите убедливо се први на листата на “запушувачи“ на бебешкиот нос. Ги има многу типови (и подтипови), а најмногу сакаат да се вдомат во нежната бебешка слузница во носот, каде непречено се размножуваат.
Сите тие вируси личат едни на други – создаваат секрет, кој главно е бистар и водлест. Тие вируси ги донесуваат постарите браќа и сестри, но и мама и татко (секако и бројното семејство и пријатели). Имунитетот на бебето е многу оскуден, така што мала количина на вирус може да го затне носето. Иако на почетокот изгледа целосно незагрижувачки, затнатиот нос може да се претвори во здодевен проблем, кој понекогап може непотребно да се искомплицира. Повеќето постари деца умеат сами да се изборат со затнатиот нос, но бебињата едноставно бараат помош – тешко цицаат, вознемирени се, и понекогаш и лошо спијат.
Ова се одговори на неколку прашања кои ќе ви помогнат да го разберете овој проблем и едноставно да го решите.
Колку долго може да биде “блокирано“ носето?
До пролет! Со помали или поголеми паузи, бебето ќе има затнато носе со недели. Затоа треба да се обучите да го одржувате носето на бебето, проодно и чисто.
Може ли да се случи некаква компликација?
Секако, ако носето е долго време затнато може да се јават последици, а ова се главните:
- Воспаление на средно уво
- Болки во увото
Како и колку пати да се отзатнува носето кај бебето?
Пред секој оброк, а никогаш после подој. Причината е едноставна – детето лесно ќе се подои, а испирањето на носето по оброкот, може да предизвика бљуцкање и повраќање.
