Да се стане родител по прв пат можеби е навистина напорно: недоволно сон, исцрпеност, збунетост и брзи премини помеѓу фазите во развој, оставаат голем број на нови родители без здив. Но, да се стане родител по втор пат е многу поедноставно и поопуштено.
Знаете што правите
Без разлика дали препознавате кога бебето е уморно, гладно или има гасови, или учите како да поправите некои работи кои не сте ги знаеле со првото дете – се оди многу побрзо. Веќе сте поминале низ сето тоа, секако, не е идентично, но вашето решавање на проблемите е многу побрзо и подобро.
Сфаќате дека се е фаза
Откако прв пат ќе станете родител, се чини дека како некои фази да немаат крај. Но, со оглед дека сте родител по втор пат, без оглед колку знаат да бидат тешки некои фази во раниот развој на детето, знаете дека се ќе помине.
Премногу сте зафатени за стрес
Кога имате само едно дете, вообичаено е да ја очекувате и предвидувате секоја нова пресвртница и секоја нова промена. Повеќето новопечени родители читаат многу книги, добиваат информации преку списанија и портали, добиваат совети од безброј извори и почесто бараат лекарска помош. Но, кога имате повеќе од едно дете дома, немате многу време да се нервирате. Некои родители често се изненадени околу новите пресвртници бидејќи едноставно се премногу зафатени за да забележат колку брзо лета времето.
