5 факти за коронавирусот кои мора да ги знаат трудниците и доилките

Предизвикува ли коронавирусот предвремено породување, може ли болеста да се пренесе преку мајчиното млеко и што ако бремена жена заболи, или таа ќе се одвои од бебето?

Секој пат кога ќе се појави некоја епидемија, лекарите секогаш посебно внимание препорачуваат за постарите лица, хроничните болни и бремените жени. Во случајот со коронавирусот, трудниците се чини, не се во ризична група, барем ако се земат предвид досегашните податоци на Кралското здружение на гинеколози и акушери кое објави неколку клучни факти за коронавирусот кои мораат да ги знаат трудните жени и доилките.

Дали трудниците се поподложни на вирусот?

Трудниците не се поподложни на вирусот од остатокот од граѓаните, иако во овој момент достапните податоци се ограничени. Исто така, нема докази кои упатуваат на тоа дека КОВИД-19 го зголемува ризикот од спонатн абортус. Се очекува дека поголем број на бремени жени ќе почувствуваат благи и умерени симптоми, во случај да се појават. Според досегашните информации, ниту една трудница во светот не починала од коронавирус.

Може ли трудница да го пренесе коронавирусот на детето?

Д-р Едвард Морис, претседател на Кралското здружение на гинеколози и акушерои вели дека и покрај тоа што податоците се ограничени, нема докази дека вирусот може да се пренесе на детето за време на бременоста. Се смета малку веројатно и тоа дека вирусот, ако го има бремената жена, ќе предизвика абнормалности кај бебето. Тој изнесува и податок дека некои бебиња во Кина, чии мајки биле заразено со корона, се породиле предвреме. Не е јасно дали раното породување го предизвикал вирусот, или можеби лекарите донеле таква одлука со оглед на фактот дека трудницата не се чувствувала добро.

Доење и коронавирус

Во моментов нема докази кои би упатувале на тоа дека КОВИД-19 може да се пренесе преку мајчиното млеко, па се смета дека благодатите на доењето ги надминуваат сите потенцијални ризици од преносот на коронавирусот низ мајчиното млеко.

Во случајот со коронавирусот, трудниците се чини, не се во ризична група, барем ако се земат предвид досегашните податоци на Кралското здружение на гинеколози и акушери.

Ако трудната жена е заразена од коронавирус, дали ќе се одвои од детето?

Лекарите велат дека нема докази кои би сугерирале дека одвојувањето на бебето од заразената мајка ќе биде од помо. Сепак, предупредуваат дека ситуацијата со КОВИД-19 болеста се уште е голема непознаница за здрасвтвената заедница и во наредниот период ќе се појават уште докази кои ќе го потврдат сегашниот став на струката.

Како бремена жена може да се заштити од коронавирусот?

Најважно е редовно и ефикасно да се мијат рацете. Потребно е да се избегнува контакт со луѓе и да се придржува на препораките на Министерството за здравство и епидемиолозите. Ако се сомневате дека имате коронавирус, веднаш јавете се кај својот матичен лекар.