Понекогаш ни доаѓа да ја соблечеме кожата од себе од што е топло, а потоа можеме да замислиме како е за бремените жени. Во продолжение е список на совети, што бремените жени треба да имаат при себе за што полесно да ги поминат овие топли летни денови.
- Крем за сончање
О да, многу е важен! За време на бременоста, кожата станува уште почувствителна на сончевите зраци, па кога сте изложени на него, внимавајте и не заборавајте да се намачкате. Најдобро е да изберете со фактор 30 и по можност без оксибензон. Дури и тие зраци кога не сте директно на сонце можат да претставуваат закана.
- Спреј против комарци
Погрижете се секогаш да имате спреј против комарци и други инсекти во вашата чанта. Заштитете се себеси и вашето бебе од потенцијални болести ако ве касне комарец. За секојдневно движење, изберете послаби, но ако планирате да престојувате на езеро или во шума каде што присуството на комарци е поголемо, тогаш изберете посилни средства за одбивање на комарци.
- Рачен вентилатор
На трудниците им е секогаш се потопло од другите за време на летото, што доведува до нервоза и стрес. За да спречите тоа да се случи, набавете рачен вентилатор. Не се скапи, а достапни се и во некои поевтини продавници. Ставете го на вашиот телефон и уживајте.
- Шапка
Носењето шапка е уште еден начин да ја заштитите вашата кожа од штетното сонце. Освен што ве штити вас, може да биде и сладок моден детаљ, затоа погрижете се да го изберете оној со посветли бои.
- Шише вода
Не треба да нагласуваме зошто е важно да се обрне поголемо внимание на хидратацијата во периодот од годината кога потењето е зголемено. Најдобро е да купите шише за вода, не пластично, кое ќе можете да го носите со себе цело време.
- Ластиче за коса
Секогаш носете неколку ластичиња или шноли за коса во чантата. Тие не зафаќаат многу простор, а можат да ви овозможат брзо да го разладите вратот. Опашка или пунџа – не е важно, но дефинитивно ќе ви биде попријатно да ја соберете косата кога е многу жешко надвор.
