Да, и децата може да бидат депресивни и таквата состојба не треба да се занемарува. Освен што влијае на среќата на детето, депресијата што детето ја влече од раното детство во пубертетот може да доведе и до самоубиства, што е водечка форма на смртност кај децата и младите на возраст од 10 до 24 години. Неколку фактори, како што е минување низ трауматско случување или родител со депресија, го зголемува ризикот од депресија кај детето. За Македонија податоците не се познати, но во САД 2 до 3% од децата на возраст од 6 до 12 години имаат сериозна депресија, а кај тинејџерите тој процент изнесува од 6 до 8.
Секое дете има свој период на тага, но следниве симптоми се знаци кои би требало да ги загрижат родителите и може да бидат знак за детска депресија. Бидете свесни за нив и следете ги низ целото детство.
Мрзливост
Ако тоа не е нормално однесување за детето, мрзливоста би можела да биде знак на недостаток на мотивација. Тешко дека детето ќе му се довери на родителот или дека ќе знае да каже како се чувствува, па на родителите е сами да оценат дали станува збор за сериозна состојба или минлив замор.
Тешкотии при спиење или премногу спиење
Ако детето спиело долго, а одеднаш не може да заспие со часови, треба да обрнете внимание и да ја пронајдете причината. На внимание упатува и спротивен тренд, ако детето постојано чувствува замор, дури и по долго спиење. Децата од 6 до 12 години дневно треба да спијат од 9 до 12 часа, а тинејџерите од 13 до 18 години, од 8 до 10 часа.
Пад на концентрацијата
Иако е познато дека децата тешко може да се концентрираат, губењето на концентрацијата на која сте навикнале кај своето дете дефинитивно е повик за внимание. Особено ако губењето на концентрацијата се случува околу нешто што особено го сакале – читање, играње игри, слушање приказни.
Често плачење
Плачењето е детски начин на говот “Жал ми е“. Тоа е важно да се запомни, особено како децата растат бидејќи како растат тие се потешко се доверуваат. Научете да прочитате од солзите дека децата имаат проблем и дека плачењето поради нешто неважно е всушност плач за нешто што ги мачи. Нивната солза може да биде крик за помош кој не знаат да го кажат на друг начин.
Не сакаат да јадат или почнуваат премногу да јадат
Децата со депресија често доживуваат промени во апетитот.
Губење на пријател
Депресивните деца се повлекуваат од друштвото и не сакаат да комуницираат со пријателите. Губењето интерес за пријатели, семејство или одвлекување од активности кои ги сакале, е еден од начините на кои се соочуваат со своите доследни чувства на тага.
Се чувствуваат многу виновни
Депресијата има тенденција да го отфрли секое самопочитување кое детето го има и создава чувство на вина. Кај децата тоа може да се забележи ако се извинува премногу или долго се чувствува виновно поради некоја грешка.
Претерано се раздразливи
Ако вашето дете одеднаш стане раздразливо и на се бурно реагира, можно е нешто навистина да го мачи со што тешко се носи и му е потребна помош.
