Успивањето на бебето често е голем предизвик и неретко родителите посегнуваат по магичните бели звуци за да му помогант на бебето, но и на себеси, детето цврсто да заспие.
Што треба да знаете за користењето на белиот звук како начин за успивање на бебето:
Истражување покажало дека белите звуци помагаат бебето да заспие во рок од неколку минути. Истражувањето било спроведено на 20 бебиња кои биле на возраст помеѓу два и седум дена и биле поделени во две групи. Едната група била изложена на бела бучава, додека на другата група не и биле пуштани никакви звуци. Повеќето бебиња од првата група (80%) заспале во рок од пет минути, додека само 25% од бебињата кои не слушале бели звуци заспале за истото тоа време.
Белите звуци да не се прегласни. Стручњаците ги советуваат родителите јачината на белите звуци да биде умерена, да биде оддалечена од бебето и никогаш погласна од јачината на вашиот разговор. Според некои истражувања, уредот кој емитува бела бучава треба да биде оддалечено од бебето кое спие, најмалку два метра. Звучниот апарат треба да биде подалеку од новороденчето и никогаш во неговото креветче.
Исклучете ги звуците кога бебето ќе заспие. Иако звучи примамливо да се остави емитувањето на бела бучава во текот на целата ноќ, тоа не се препорачува. Експертите велат уредот да се остави само одредено време и да се исклучи веднаш штом бебето заспие.
Намалете го користењето на овие звуци, како бебето расте. Се што се користи за промена на однесувањето може да премине во навика од која тешко може да се ослободи. На бебето може да му стане тешко да се одвикне од белата бучава и може да дојде во ситуација да не може да заспие без неа.
Од тие причини, се советува користење на белите звуци во првите шест месеци од животот на бебето или доволно долго додека сонот на бебето не стане цврст. Потоа намалете ја употребата за детето да може да спие нормално и покрај вообичаената бучава во домот, односно да може да заспие во било кој момент и опкружување.
