Производителите на вакцини се свесни дека децата едноставно не се минијатурни возрасни. Нивната биологија е различна на начини кои можат да влијаат на начинот на функционирање на вакцините
Првите вакцини против коронавирус за возрасни се речиси тука, но за детските вакцини ќе биде потребно малку подолго време. Педијатриските испитувања на „Pfizer“ и „Moderna“ штотуку започнуваат за деца постари од 12 години.
Па, што значи тоа за временската рамка за целосно отворање на училиштата?
За промена, имаме добри вести. Д-р Ентони Фаучи, врвниот експерт за заразни болести во САД, минатиот месец изјави дека е „дополнителен бенефит кога ќе ја добиеме вакцината за деца“, но дека тоа не е предуслов за повторно отворање. Тоа го пренесоа многу групи на наставници и медицински експерти.
„Има многу мала загриженост или чувство дека училиштата не треба да бидат отворени затоа што децата не се вакцинирани“, рече Колин Шарки, извршен директор на Здружението на американски едукатори.
Д-р Пол Офит, професор на Универзитетот во Пенсилванија и член на советодавниот панел за вакцини на ФДА, рече: „Исклучително е ретко дете да умре од овој вирус, па затоа наставниците се оние кои треба да ги вакцинирате“.
Наставниците ќе бидат во раните групи на луѓе кои ќе ја примат вакцината, веднаш по здравствените работници и луѓето што живеат во установите за долготрајна грижа. Дури и пред да се вакцинираат наставниците, нивните синдикати велат дека основните училишта можат безбедно да се отворат, сè додека ги следат насоките за тестирање, опрема за лична заштита, протоколи за физичко растојание и вентилација. Го кажавме тоа и претходно, но пак ќе повториме: Малите деца не претставуваат голем ризик да заразат други.
- „Можете да ги отворите основните училишта пред да имате вакцина за наставниците, но вакцината ќе создаде чувство на сигурност, дека работите се безбедни“, рече Ранди Вајнгартен, претседател на Американската федерација на наставници.
Важно да се напомене е дека не се само наставниците оние кои треба да се заштитат. Дел од персоналот, работниците во кујна, рецепционерите и возачите на автобуси се дел од училишната заедница.
Слични прашања во врска со пристапот и правичноста на децата, сепак, се неколку месеци поназад. Процесот на вакцинирање и временската рамка за децата неизбежно ќе изгледаат многу поразлично, бидејќи истражувачите би започнале со широко распространето тестирање само доколку не откријат сериозни несакани ефекти.
Наставниците ќе бидат во раните групи на луѓе кои ќе ја примат вакцината, веднаш по здравствените работници и луѓето што живеат во установите за долготрајна грижа
„Производителите на вакцини се многу свесни дека децата не се едноставно минијатурни возрасни“, објасни нашиот колега Карл Цимер порано оваа есен. „Нивната биологија е различна на начини кои можат да влијаат на начинот на функционирање на вакцините“.
На пример, малите деца имаат поактивен имунолошки систем од возрасните и може да имаат посилни реакции, вклучително и повеќе треска, болки и замор.
Дури и кога вакцините ќе станат достапни, теориите на заговор и недовербата може да го забават нивното усвојување. Некои гувернери веќе рекоа дека вакцините нема да бидат задолжителни. Иако задолжителната вакцинација би помогнала на имунитетот на стадото, лекарите и наставничките групи се загрижени дека тоа само ќе го одвлече вниманието од главното прашање: континуирано учење на децата.
„Невидена загуба во учењето“
Како што наближува крајот на полугодието, треба да се донесат конечни оценки. И многу, многу деца ќе „паднат“ на часовите.
„Очигледно се соочуваме со невидена загуба во учењето и неуспех“, рече Брајан Т. Вудс, надзорник во Тексас. „Ќе бидат потребни години за да се ублажат последиците“. (Њујорк тајмс)
