Ако добиете позитивен резултат на тестот за коронавирус, а не развиете симптоми, или имате негативен резултат, сепак, треба да бидете во самоизолација 14 дена откако сте биле изложени поради периодот на инкубација
Ако сте биле во контакт со лице кое е позитивно на COVID-19, веројатно се прашувате кој е вашиот следен чекор. Периодот на инкубација кај коронавирусот може да трае од два до 14 дена, така што веројатно ќе мора да се самоизолирате во тој период, без разлика дали се чувствувате болно или не.
Кога треба да се тестирате?
Американскиот центар за превенција и контрола на болести (CDC) нема издадено официјални упатства за ова прашање, а лекарите имаат различни мислења. Затоа, најдобро е да го сторите тоа што ви го советува вашиот лекар, бидејќи е најдобро запознаен со вашата здравствена состојба и околности. Но, неколку експерти за „Prevention“ даваат неколку совети кога станува збор за тестирање откако сте биле изложени на коронавирус.
Луис Нелсон, претседател на Одделот за итна медицина на Медицинскиот факултет „Rutgers New Jersey“, препорачува да почекате со тестирањето се додека не развиете симптоми.
„Иако во некои случаи не е оптимално да се чекаат симптоми, тоа е можеби најпрактичниот одговор“, вели тој, а според упатствата на CDC треба да бидете во самоизолација најмалку 14 дена по изложувањето и да контактирате со сите со кои сте имале контакт.
Исто така, треба да се консултирате со вашиот лекар за дополнителни совети и препораки.
Доколку немате симптоми, а сте биле изложени на вирусот, експертот за инфективни болести Амеш А. Адаja, виш научник во Центарот за здравствена безбедност на „Џон Хопкинс“, препорачува да почекате најмалку четири дена за да се тестирате, така што вирусот ќе има доволно време да се насобере во вашето тело доколку сте заразени и да биде детектиран на тест.
Ако добиете позитивен резултат на тестот за коронавирус, а не развиете симптоми, или имате негативен резултат, сепак, треба да бидете во самоизолација 14 дена откако сте биле изложени поради периодот на инкубација.
